Qazaq-túrik lıtseıiniń oqýshylary «QazTransOıl» AQ bas dıspetcherlik basqarmasynyń jumysymen tanysady
ASTANA. 23 qarasha. QazAqparat - Búgin qazaq-túrik lıtseıiniń oqýshylary «QazTransOıl» AQ bas dıspetcherlik basqarmasynyń jumysymen tanysady, dep habarlady «QazMunaıGaz» UK» AQ baspasóz qyzmetinen.
«QazMunaıGaz» UK» AQ jáne «KAZENERGY» qaýymdastyǵy sizderdi QMG kompanııasy tobynyń qyzmetimen tanystyrý maqsatynda uıymdastyrylǵan daryndy er balalarǵa arnalǵan qazaq-túrik lıtseıiniń joǵary synyp oqýshylary qatysatyn is-shara uıymdastyrady. Oqýshylar «QazTransOıl» AQ bas dıspetcherlik basqarmasynyń jumysymen tanysady», - delingen habarlamada.
Kompanııanyń atap ótýinshe, bul joba ósip kele jatqan jastarǵa otanshyldyqqa, ıdeologııalyq tárbıe berýge, olarǵa munaı óndirýdiń negizgi aımaqtary týraly, Qazaqstan munaıyn shetelge tasymaldaýdyń baǵyttary jáne kompanııanyń keıbir ınvestıtsııalyq jobalary jóninde tereńirek bilim berýge baǵyttalǵan.
