Qazaq-túrik lıtseıi Aqmola oblysyndaǵy mektepterde pánderdi aǵylshyn tilinde oqytýda kómek kórsetýge ázir
KÓKShETAÝ. QazAqparat - Úshtildi bilim berý boıynsha Jol kartasyn iske asyrý aıasynda taıaýda M.Ǵabdýllın atyndaǵy №3 mektep-gımnazııasynda Aqmola oblysy bilim basqarmasynyń «Oblystyq oqý-ádistemelik kabınetiniń» uıymdastyrýymen jańa oqý jylynda úshtildi bilim berý baǵdarlamasyn júzege asyratyn mektepterge arnalǵan «Bilim berý mazmunyn jańartý jaǵdaıynda kóptildi bilim berý» atty oblystyq semınary ótkizildi.
Semınarǵa Sh.Ýálıhanov atyndaǵy Kókshetaý memlekettik ýnıversıteti men Nazarbaev zııatkerlik mektebi at salysty. Atalǵan is-sharaǵa oblys boıynsha 25 mektepten 100-ge jýyq muǵalim qatysty. Muǵalimderge sheberlik synyptary ótkizildi.
Oblysymyzda kóptildi bilim berýdi sátti engizý úshin Oblystyq daryndy balalarǵa arnalǵan № 1 «Qazaq-túrik lıtseıi» mektep ınternatynyń tájirıbesin keńinen paıdalaný qajetili aıtyldy. Qazaq-túrik lıtseıiniń muǵalimderi oblys mektepterine jaratylystaný pánderin aǵylshyn tilinde oqytýda ádistemelik kómek kórsetýge qarsy emes ekendikterin aıtty, dep habarlaıdy «Aqmola medıa ortalyǵy».
