Qazaq-túrik áýe kompanııalary bılet qunyn arzandatatyn bolady
YSTAMBUL. 12 qazan. QazAqparat - Qazaq-túrik áýe kompanııalary bılet qunyn arzandatatyn bolady. Bul jaıynda búgin Ystambulda ótken Túrkııa-Qazaqstan iskerlik jáne ınvestıtsııa forýmynda Túrkııa Respýblıkasynyń Premer-Mınıstri Redjep Erdoǵan málim etti.
QR Prezıdenti Nursultan Nazarbaevpen eki el arasyndaǵy týrızmdi damytý máselesi jaıynda keńinen áńgimeleskendigin atap ótken ol: «Túrkııadan Qazaqstanǵa jáne kerisinshe júrip-turý úshin áýe qatynastary qunyn arzandatý jaıynda Prezıdent myrzaǵa usynysymyzdy jetkizdik. Osylaısha túrik áýe joldary men qazaq áýe joldary baǵytyndaǵy bılet quny tómendemek. Qudaı qalasa, eki eldiń mınıstrleri osy baǵyttaǵy jumystardy retke keltiredi», dedi.
Sonymen qatar túrik Úkimet basshysy bul atqarylar sharalar eki aradaǵy týystyqty, mádenı jáne adamı qatynastardy jaqyndata túsýge jol ashady dep úmittenetindigin basa aıtty.
«Bizdiń elimizdiń ár aımaǵynda jer bólý jáne salyq jeńildikteri qarastyrylyp, basqa da qoldaýlar jasalady. Bizder baýyrlastyq jáne dostyq negizde qazaq qardashtarymyzben seriktes bolyp, birge qadamdar jasaýǵa tıispiz», dedi R.Erdoǵan túrik bıznesmenderine qarata.
