«Qazaq toıy» atty beınebaıan reseılik shoýda úzdik atandy - VIDEO
ASTANA. QazAqparat - «Qazaq toıy» atty ermeksazdan jasalǵan beınebaıan reseılik «Óz-ózińe rejısser» shoýynda úzdik atandy.
Klıp keıipkerleri - jas jubaılar, qyz joldas pen jigit joldas, mýzykanttar, sonymen birge qoı da bar. Jas jubaılar «Jar-jar», «Toı jyry», «Jubaılar jyry» ánderine bıleýde. Qýyrshaqty Marına Nekrasova jasaǵan, skrıpkada Vıktorııa Mýllagýlova oınady. Vıdeoǵa aranjırovka jasap, ony jınaqtaǵan oraldyq Jumabek Qarajanov.
2,5 mınýttyq rolıkke 700 sýret túsirilgen. Árbirinde keıipkerlerdiń ym-ısharattary men turystary sál ózgerip otyrǵan. Keıin munyń barlyǵyn bir vıdeoǵa jınaqtaǵan. Muny túsirip, keıin ony bir vıdeoǵa toptastyrý úshin avtorlarda eki apta ýaqyt ketken, dep jazady vsemee.kz.
