«Qazaq tiliniń ulttyq sózdik qory» aqparattyq júıesin qalyptastyrý qaǵıdasy ázirlendi

ASTANA. KAZINFORM – «Qazaq tiliniń ulttyq sózdik qory» memlekettik aqparattyq júıesin qalyptastyrý jáne júrgizý qaǵıdalaryn bekitý týraly» Ǵylym jáne joǵary bilim mınıstri buıryǵynyń jobasy ázirlendi. Joba ashyq NQA portalynda jarııalandy.

«Қазақ тілінің ұлттық сөздік қоры» ақпараттық жүйесін қалыптастыру қағдиасы әзірленді
Фото: Kazinform

Qazaq tiliniń ulttyq sózdik qoryn qurý maqsaty – qazaq tilin mádenı qundylyq retinde saqtaý, qorǵaý jáne damytý, sondaı-aq memlekettik til mártebesin nyǵaıtý, qazaq tiliniń barlyq qoldanys aıasyn qamtıtyn resýrstardy jınaqtaý, tildiń qoldanystaǵy leksıkalyq quramyn retke keltirý, tsıfrlandyrý, generatsııalaý, ony jasandy ıntellekt pen zamanaýı tehnologııalarǵa beıimdeý, óńdeý protsesterin avtomattandyrý.

Qazaq tiliniń ulttyq sózdik qory akademııalyq jáne aýdarma sózdikter, Qazaq tiliniń ulttyq korpýsy, termınologııalyq baza jáne túrli formattaǵy málimetter jıyntyǵy sanalady dataset negizinde qalyptastyrylady.

Jalpyǵa qoljetimdi memlekettik aqparattyq júıe sanalatyn Qazaq tiliniń ulttyq sózdik qoryn qalyptastyrý mynalardy qamtıdy:

- Ulttyq sózdik qordy qurý jáne damytý máseleleri jóninde kezeńdik is-sharalar josparyn ázirleý;
- Ulttyq sózdik qorǵa qoıylatyn fýnktsıonaldyq jáne tehnıkalyq talaptardy, tehnıkalyq qyzmet kórsetý kestesin jáne derekterdi jınaqtaýǵa, óńdeýge, júıeleýge arnalǵan aqparattyq sıpattamalardy bekitý;
- ınteraktıvti paıdalanýshynyń ınterfeısin, izdeý júıesin jáne derekterdi eksporttaý múmkindigin qamtamasyz etý;
- Ulttyq sózdik qordy qurý jáne jetildirý salasyndaǵy sýbektilerdiń áreketin úılestirý;
- Ulttyq sózdik qormen ıntegratsııalanýǵa qabiletti aqparattyq resýrstardyń tizbesin qalyptastyrý;
- Ashyq derekter platformalaryn paıdalaný jáne halyqaralyq standarttarǵa sáıkes kelýin qamtamasyz etý.

Buıryq jobasy 19 naýryzǵa deıin qoǵamdyq talqylaýǵa shyǵaryldy.

Aıta ketelik qazaq tili úshin jańa tsıfrlyq platforma jasalatyny týraly jazǵan edik. Sondaı-aq jasandy ıntellektiniń damýy aıasynda tsıfrlyq sózdik qoryna erekshe mán berilmektigi týraly da habarlaǵan edik

Сейчас читают