Qazaq tilinde mýltfılmder jasaýǵa 350 mln teńge bólindi

ASTANA. KAZINFORM – Qazaq tilindegi mýltfılmder sany kóbeıedi. Bul týraly Májilis depýtaty Ashat Aımaǵambetov telegram kanalyndy jazdy.

«Qazaq tilindegi mýltfılmder óte az, al YouTube sııaqty qoljetimdi platformalarda múlde joqtyń qasy. Búgingi kúni bul úlken másele, óıtkeni balalar teledıdardan góri ınternet pen YouTube-ty kóbirek tańdaıdy. Balalar “Sınıı traktor” men “Masha ı Medved” sııaqty mýltfılmdermen shektelmeı, sapaly ári qyzyqty qazaqsha mýltfılmderdi kórýi tıis. Osy maqsatta, kelesi jyldyń bıýdjet jobasyn qarastyrý barysynda, qazaq tilindegi mýltfılmder jasaýǵa 350 mıllıon teńge bólýdi jáne olardyń tek teledıdarǵa emes, mindetti túrde ınternetke, sonyń ishinde YouTube-qa júktelýin qamtamasyz etetin normany zańǵa engizdik. Bul balalardyń qazaq tilinde qyzyqty kontentke qol jetkizý múmkindigin keńeıtedi dep senemiz», - dedi depýtat.

Onyń aıtýynsha, álemdik hıt mýltfılmderdi de memlekettik tilge aýdaryp, YouTube-qa júkteý mańyzdy. Bul úshin avtorlyq quqyq ıelerimen aýqymdy jumys qajet. Ázirge bul másele tolyq sheshilgen joq, biraq aldaǵy ýaqytta osy baǵytta jumystar jalǵasyn tappaq.