Qazaq Tili Endowment qoryna demeýshilerden 200 mln teńge quıyldy
ASTANA. KAZINFORM — Lancaster Group aktsıonerleri — Berik Qanıev, Gaýhar Qapparova jáne ıÝrıı Pak Qazaq Tili Endowment qoryna 200 mln teńge bólý týraly sheshim qabyldady. Bul týraly «Qazaq tili» qoǵamynyń baspasóz qyzmeti málim etti.
— Bul — qazaq tilin qoldaý qoryna baǵyttalǵan eń qomaqty úlestiń biri, — delingen habarlamada.
«Qazaq tili» qoǵamynyń endaýment qory 2023 jyly memlekettik tildi damytý men qoldaý maqsatynda júıeli jáne turaqty jumysqa qajet qarjylyq negiz qalyptastyrý úshin qurylǵan. Birinshi bolyp bul bastamany Qazaqstan Prezıdenti Qasym-Jomart Toqaev qoldap, 7 mln teńge kóleminde jarna aýdarǵan edi. Memleket basshysynyń bul bastamasyn belgili qazaqstandyq kásipkerler men qazaq tiliniń janashyrlary jalǵastyrdy.
Endaýment qordyń basty maqsaty — elimizdegi memlekettik tildi damytý jáne qoldaý baǵytynda jumys isteıtin eń iri qoǵamdyq uıym — «Qazaq tili» qoǵamynyń turaqty ári uzaqmerzimdi damýyn qamtamasyz etý. Endaýment qorynyń ereksheligi bar, onda jınalǵan qarajattyń ózi jumsalmaıdy. Tek qordyń ınvestıtsııalyq qyzmetinen túsken tabysy ǵana «Qazaq tili» qoǵamynyń jarǵylyq mindetterin júzege asyrýǵa jumsalady. Qazaq Tili Endowment qory táýelsiz qamqorshylar keńesine baǵynady. Qamqorshylar keńesi quramynda bedeldi qoǵam qaıratkerleri, kásipkerler men iri demeýshiler bar.
Qordyq jarııa esebi men men demeýshiler tizimi www.til.kz saıtynda jarııalanady. Lancaster Group aýdaratyn qarjyǵa deıin qor esepshotynda 503 669 299 teńge boldy. «Qazaq tili» qoǵamynyń prezıdenti Raýan Kenjehanulynyń aıtýynsha, 2024 jyly Qazaq Tili Endowment qorynyń ústeme tabysy 75 mln teńgeni qurady. Osy qarajat esebinen ótken jyly 40-tan astam joba men is-shara júzege asyryldy. Olardyń qatarynda Oxford Qazaq Dictionary jobasy, Disney, Pixar jáne Sony stýdııalary fılmderiniń dýblıaj jumysyn nasıhattaý, keńinen taratý jáne ádistemelik quraldar ázirleý, balalarǵa arnalǵan, iskerlik jáne ǵylymı-tanymdyq kitaptardy aýdarý jáne basyp shyǵarý, ózge de mańyzdy bastamalar bar.
Buǵan deıin Halyqaralyq «Qazaq tili» qoǵamynyń prezıdenti Raýan Kenjehanuly jýyrdaǵy suhbatynda tsıfrlyq derbestikti saqtaımyz desek, óz tilimizdiń LLM-in jasaý kerektigin aıtty.