Qazaq tiliniń latyn álipbıine kóshýi sheteldik sarapshylardyń nazarynda

ASTANA. QazAqparat - Qazaq tiliniń latyn álipbıine kóshirý taqyryby álemdik BAQ betterinde ári akademııalyq toptarda keńinen talqylanýda. Bul týraly «QazAqparatqa» Syrtqy ister mınıstrliginiń Halyqaralyq aqparat komıtetiniń tóraǵasy Talǵat Jumaǵulov məlim etti.

Komıtet tóraǵasynyń sózine qaraǵanda, sarapshylar til reformasynyń aýqymyna nazar aýdaryp otyr. Olar aldaǵy segiz jylda Qazaqstandy jańa grafıkany engizý boıynsha orasan jumys kútip otyrǵany týraly aıryqsha atap ótýde.

Aıta keterligi, «Rýhanı jańǵyrý» týraly Memleket basshysynyń baǵdarlamalyq maqalasy jarııa etilgennen beri Syrtqy ister mınıstrligi jańa álipbıdi engizýdiń tıimdiligin shet elderde túsindirý boıynsha júıeli sharalar qolǵa aldy. Sondaı-aq latyn qarpine kóshken álem memleketteriniń tájirıbesin zertteý boıynsha aqparattyq-saraptamalyq jumys júrgizilip keledi.

«Halyqaralyq sarapshylar reformanyń tıimdi jaqtaryn atap ótýde. Eń aldymen olar aqparattyq tehnologııalarmen baılanystyrylady. Jańa álipbı qazaqstandyqtardyń jańa býynyna syrtqy álemmen qatynasyn jeńildetýi tıis. Sondaı-aq sheteldegi qazaq dıasporasymen baılanystardy ońtaılandyrady. Sonymen birge, sheteldik áriptesterge reformanyń pragamatıkalyq sıpatyna basa nazar aýdaramyz. Qazaq tiliniń damýy elimizde taraǵan basqa tilderge nuqsan keltirmeıdi»,-deıdi komıtet tóraǵasy.