Qazaq tiliniń ıntegratıvti róli ultaralyq qatynastar salasyndaǵy el saıasatynyń praktıkalyq faktory bolýy tıis - M.Tájın
Bul týraly búgin Aqordada respýblıkalyq jáne jergilikti memlekettik organdardyń qatysýymen ótken ulysaralyq qarym-qatynas máselelerine arnalǵan respýblıkalyq keńeste QR Memlekettik hatshysy Marat Tájın aıtty.
«Búgingi shynaıy álemde ne oryn alyp jatqandyǵyn qarańyzdarshy. Damyǵan álem atalatyn kóptegen elder kúshti kóshi-qon sharalarymen, normalarymen, tosqaýyldarymen dúrdıip otyr. Kez kelgen el, tipti qarańyzdarshy, buǵan deıin ulystyq qarym-qatynasta barynsha lıberaldy saıasatty tájirıbege alǵandar da, búginde óte qatań normatıvke, memlekettik tildi bilýge baǵdarlanýda. Mundaı normatıvter Germanııada, Reseıde qoıylýda», - dedi ol.
M.Tájınniń atap ótýinshe, Qazaqstanda bul qarym-qatynasta óte demokratııalyq ári lıberaldy ahýal qalyptasqan. Degenmen, qazaq tiliniń ıntegratıvti róli ultaralyq qarym-qatynastar salasyndaǵy elimizdiń saıasatynyń praktıkalyq faktory bolýy tıis.
«Bul durys. Bizde muny qandaı úlgide jasaý kerektigine qatysty kózqaras bar. Biraq biz ózimiz úshin barynsha ashyq qalyptastyrýymyz qajet»,- dedi ol.
