Qazaq tilinen ózge ult oqýshylary arasynda ótken «Til - memleket táýelsizdiginiń sımvoly» V respýblıkalyq qashyqtyq olımpıadasynyń jeńimpazdary anyqtaldy
ASTANA. 10 qańtar. QazAqparat /Janna Qorqytova/ - Astanada qazaq tilinen ózge ult oqýshylary arasynda ótken «Til - memleket táýelsizdiginiń sımvoly» V respýblıkalyq qashyqtyq olımpıadasynyń qorytyndysy shyǵaryldy.
Esterińizge sala keteıik, olımpıadanyń on-line rejımde ótken I kezeńinde eń joǵary upaı alǵan jeńimpaz oqýshylar 7-9 qańtar aralyǵynda elordada ótken qorytyndy bilim jarysynda óz baqtaryn synasty. 2010 jyly Internet jelisi arqyly ótken І kezeńge respýblıkadaǵy jalpy bilim beretin mektepterdiń 5-10 synyp ózge ult oqýshylary qatysqan bolatyn.
Aqtyq kezeńge Almaty, Aqtóbe, Jambyl, Kostanaı, Pavlodar, Mańǵystaý, Qyzylorda, Ońtústik jáne Soltústik Qazaqstan oblystarynan, Astana qalasynan 48 oqýshy qatysty. Olımpıada Daryndy balalarǵa arnalǵan №2 Aqmola oblystyq mamandandyrylǵan mektep-ınternatynyń bazasynda ótti.
Quramyna L.Gýmılev atyndaǵy Eýrazııa Ulttyq ýnıversıtetiniń oqytýshylary men Ulttyq testileý ortalyǵynyń memlekettik tildi damytý «QAZTEST» júıesi basqarmasynyń mamandary kirgen qazylar alqasynyń sheshimimen jeńimpazdar I, II jáne III dárejeli dıplomdar men nomınatsııalarmen, maqtaý qaǵazdarymen marapattalyp baǵaly syılyqtarǵa ıe boldy.
Atap aıtqanda, I dárejeli dıplommen Ońtústik Qazaqstan oblysyndaǵy daryndy balalarǵa arnalǵan №3 «Daryn» mektebiniń 10 synyp oqýshysy Farıza Safronova marapattalsa, II dárejeli dıplomdarmen Mańǵystaý oblysynyń ókili, Ekonomıkalyq lıtseıdiń 10 synyp oqýshysy Asııat Betıeva, pavlodarlyq №1 mektep-lıtseıdiń 9 synyp oqýshysy Angelına Savenok atap ótildi.
III dárejeli dıplomdarmen Nametova Nıgara - 10 synyp, № 5 orta mektebi, Ońtústik Qazaqstan oblysy, Isýpova Lıýdmıla - 10 synyp, № 1 mektep-lıtseıi, Pavlodar oblysy, Karımova Zarına - 10 synyp, «Symbat» orta mektebi, Aqtóbe oblysy marapattaldy.
Al «Memlekettik tilge degen qurmeti úshin» atalymynda Pavlodar oblysy, Ekibastuz qalasynyń № 1 orta mektebiniń 8 synyp oqýshysy Mafteı Anna, «Memlekettik til - meniń tilim» - Aqmola oblysy, Kókshetaý qalasynyń № 7 orta mektebiniń 8 synyp oqýshysy -Pedchenko Irına, «Jeńiske degen talpynysy úshin» - Astana qalasynyń N.Nazarbaev ıntellektýaldyq mektebiniń 10 synyp oqýshysy Kım Aleksandra maqtaý qaǵazdarymen atap ótildi.
