Qazaq tilindegi kitaptar sany kóbeıgeni qýantady – Bilim mınıstri

NUR-SULTAN. QazAqparat - Búgin elordada ótip jatqan kitap kórmesine barǵan QR Bilim jáne ǵylym mınıstri Ashat Aımaǵambetov onda qazaq tilindegi kitaptar sany kóbeıgeni qýantatynyn aıtty.

Bul týraly mınıstr óziniń Facebook paraqshasynda jazdy, dep habarlaıdy QazAqparat.

«Kórmede ásirese balalar úshin óte qyzyqty, zamanaýı suranysqa ıe kitaptar sany artyp keledi. Biz balalardy kitap oqýǵa baýlý maqsatynda «Oqýǵa qushtar mektep» respýblıkalyq jobasyn iske asyryp jatyrmyz. Bul joba sheńberinde mektep kitaphanalaryna ádebı kitaptar satyp alyndy, sondaı-aq kitaphanalar jóndeýden ótip, onyń jumys formaty ózgertilip jatyr. Men ár mektepke barǵanda dál osy jobanyń iske asyrylýyna erekshe kóńil bólemin. Barlyq mektep pen kolledjde bul jumys júıeli túrde júrgizilýi kerek»,-dedi mınıstr.