Qazaq tilindegi ǵylymı ádebıetterdiń qory myńǵa jetýi kerek - Sherýbaı Qurmanbaıuly

NUR-SULTAN. QazAqparat - Qazaq tilindegi ǵylymı ádebıetterdiń qory myńǵa jetýi kerek. Bul týraly «Qazaq tilindegi 100 jańa oqýlyq: pragmatızm men sananyń ashyqtyǵyna aparar jol» taqyrybynda ótken onlaın konferentsııada aıtyldy, dep habarlaıdy QazAqparat tilshisi.

«Ozyq bilim bergisi keletin ýnıversıtetter ǵylymı mazmunnyń, ǵylymı kontenttiń, ǵylymı ádebıettiń, ǵylymı oqýlyqtyń bolýyna múddeli. Eger ult tilinde ǵylymı ádebıet qory qalyptasatyn bolsa - qazaq tiliniń ǵylym salasyndaǵy qoldanysy keńeıedi», - deıdi Fılologııa ǵylymdarynyń doktory, professor, QR Ulttyq ǵylym akademııasynyń korrespondent múshesi Sherýbaı Qurmanbaıuly.

Onyń aıtýynsha, ǵylymı ádebıetti shet tilinen aýdarýdyń mańyzy óte joǵary.

«Qazaq tilindegi ǵylymı ádebıetterdiń qory 100 ǵana kitappen shektelmeýi kerek. Bolashaqta onyń sany júzdegen, myńdaǵan kitap bolýy kerek, sonda ǵana qazaq tildi kez kelgen oqyrman, kez kelgen tutynýshy medıtsına, hımııa, bıologııa, óner, kıno salasyna qatysty bilimdi óz ana tilinde alýǵa múmkindik týady», - deıdi ol.

Foto: qazaqadebieti.kz