Qazaq tilinde oqıtyn jastar arasynda «Til - barlyq bilimniń kilti» atty» respýblıkalyq baıqaýy jarııalandy
ASTANA. Aqpannyń 18-i. QazAqparat /Ernur Aqanbaı/ - QR Mádenıet jáne aqparat mınıstrliginiń Til komıteti jáne Qazaqstannyń Orys qaýymy qazaq tilinde oqıtyn jastar arasynda orys tili bilgirleriniń «Til - barlyq bilimniń kilti» atty» respýblıkalyq baıqaýyn jarııalaıdy,
dep habarlaıdy QazAqparat.
Baıqaý jastardy toleranttylyqqa tárbıeleý, tilderdi meńgerýge degen shyǵarmashylyq qabiletterin jandandyrý, sóıleý mádenıetiniń deńgeıin arttyrý maqsatynda jarııalanyp otyr. Baıqaýǵa qatysýǵa 14-22 jas aralyǵyndaǵy jastar shaqyrylady. Orys tili bilgirlerinińrespýblıkalyq baıqaýy 2010 jylǵy aqpan - mamyr aılarynda eki kezeń boıynsha ótkiziledi.
І kezeń - aımaqtyq, ol 2010 jylǵy aqpannyń 10-y men mamyrdyń 4-i aralyǵynda oblystar jáne Astana men Almaty qalalary boıynsha ótkiziledi.
ІІ kezeń - respýblıkalyq, ol 2010 jylǵy mamyrda Til komıteti jáne Qazaqstannyń Orys qaýymynyń uıymdastyrýymen Astana qalasynda, Reseı ǵylym jáne mádenıet ortalyǵyndaótedi.
Aımaqtyq baıqaý komıssııalary respýblıkalyq baıqaýǵa qatysýshy úmitkerdi anyqtap, ony respýblıkalyq baıqaýǵa qatystyrý týraly ótinish-hatpen birge, jınaǵan upaılarynyń qorytyndylary týraly hattamany jáne leksıkalyq-grammatıkalyq testiniń nátıjesin joldaıdy.
Baıqaýdyń birinshi kezeńiniń sharttary:
birinshi nomınatsııa: leksıkalyq-grammatıkalyq test. Test tapsyrmasyn oryndaý ýaqyty - 1 saǵat.
ekinshi nomınatsııa: jazbasha jáne aýyzsha bólimderden turady:
a) jazbasha bólim: jeke jazbasha tapsyrmany oryndaý: (usynylǵan taqyrypqa shyǵarma jazý);
á) aýyzsha bólim: qatysýshylar usynylǵan taqyrypqa jup boıynsha dıalog quraıdy: (bılettik júıe);
úshinshi nomınatsııa: kez -kelgen janrdaǵy mátindi mánerlep oqý (úı tapsyrmasy).
Baıqaýdyń ekinshi kezeń sharttary:
- «Tilder týystyǵy-mádenı týystyq» atty aýyzsha tanystyrylym (elektrondy, kórneki jáne basqa nusqalary, 3-5 mın.);
- «Til - ǵasyrlar mádenıetiniń qaınar kózi» ádebı-mádenıettanýshylyq test. Tapsyrmany oryndaý ýaqyty - 30 mınýt;
- Orys jáne orys tildi qazaqstandyq ádebıet klassıkteriniń jáne qazirgi zamanǵy jazýshylarynyń týyndylarynan úzindilerdi mazmundaý, mátindi lıngvıstıkalyq-stılıstıkalyq taldaý (bılettik júıe);
- shyǵarmashylyq tapsyrma «Shabyt juldyzy»: halyq aspaptarynda oınaý, ulttyq án, bı, kórkem sóz oqý jáne t.b. oryndaý (úı tapsyrmasy).
Tapsyrmany oryndaý ýaqyty - 5-7 mın.
Respýblıkalyq kezeńniń jeńimpazdary baǵaly syılyqtarmen jáne laýreat dıplomdarymen marapattalady.
Baıqaýǵa orys tilinde oqytatyn oqý oryndarynda jáne «orys fılologııasy» mamandyǵy boıynsha joǵarǵy oqý oryndarynda bilim alatyn, sondaı-aq orys tiline arnalǵan aldyńǵy baıqaýlardyń jeńimpazdary men júldegerleri qatystyrylmaıdy.
