Qazaq tilinde «Danalar izimen» atty 12 serııadan turatyn derekti-pýblıtsıstıkalyq fılm túsirildi
ASTANA. 26 shilde. QazAqparat - «Islam mádenıeti men bilimin qoldaý qorynyń» tikeleı qoldaýymen «Intısar» stýdııasy qazaq tilinde «Danalar izimen» atty 12 serııadan turatyn derekti-pýblıtsıstıkalyq fılm túsirdi, dep habarlady sunna.kz saıty.
Bul fılm qazaq dalasynan shyqqan Hıbatýlla at-Tarazı, Kaýam at-dın ál-Itkanı sekildi ıslam ǵulamalarynyń, Ábýbákir Kerderı, Beket ata, Sultan Beıbarys sekildi uly oıshyldarymyz ben el basqarǵan qaıratker babalarymyzdyń ómiriniń bizge beımálim tustaryn qamtıtyn tyń derekterden turady.
Derekti fılm Qazaqstan musylmandary dinı basqarmasynyń qatysýymen túsirildi. «Danalar izimen» fılminiń ár serııasynyń uzaqtyǵy 21 mınýtty quraıdy. Fılm qasıetti Ramazan aıynda, naqtyraq aıtqanda, 31 shildede 17:35-te «Qazaqstan» ulttyq arnasynda, al 30 shildeden bastap 20:30-da «Mádenıet» arnasy arqyly kórsetiletin bolady.
