Qazaq tilin tegin úıretetin ınternet-portal ashyldy

ASTANA. 18 jeltoqsan. QazAqparat - Erteń Astanada Qazaqstanda tuńǵysh ret memlekettik tildi onlaın rejıminde tegin úırenetin «www.soyle.kz» Internet-portalynyń ashylý rásimi ótedi, dep habarlaıdy Memlekettik tildi damytý qorynyń baspasóz qyzmetinen.

Atalǵan jobany Memlekettik tildi damytý Qory «Qazaqstan-2050» Strategııasynda aıtylǵan mindetterdi oryndaý maqsatynda «Ult Kóshbasshysy - Qazaqstan Respýblıkasynyń Tuńǵysh Prezıdenti Qory» men «Samsung Electronics Kazakhstan and Central Asia» kompanııasynyń qoldaýymen júzege asyrdy.

Іs-sharaǵa «Qazaqstan Respýblıkasynyń Tuńǵysh Prezıdenti - Ult Kóshbasshysy Qorynyń» atqarýshy dırektory Saǵyndyq Nurahanov, «Samsung Electronics Kazakhstan and Central Asia» kompanııasynyń prezıdenti Syn Sık Choı, Mádenıet jáne aqparat mınıstrligi Til komıteti tóraǵasynyń orynbasary Sherýbaı Qurmanbaıuly, fılologııa ǵylymdarynyń doktory, professor Aıman Aldash jáne «Memlekettik tildi damytý» Qorynyń dırektory Azat Sháýeev qatysady.