Qazaq tilin onlaın rejıminde tegin úıretetin kýrsta «Taqyryptyq sózdik» bólimi ashyldy
Memlekettik tildi damytý qory Soyle.kz ınternet-portalynyń «Taqyryptyq sózdik» atty jańa bólimin ashty.
«Taqyryptyq sózdikte qamtylǵan 3500-ge jýyq sóz ben 700-den asa kúndelikti ómirde jıi qoldanylatyn tildesý úlgileri tolyqtaı dybystalyp, taqyryptyq prıntsıp boıynsha toptastyrylyp berilgen. Jınaqtalǵan 50 taqyryp kúndelikti ómirdiń negizgi salalalaryn jáne tildegi negizgi sóz taptaryn (etistik, syn esim, ústeý, kómekshi sózder, esimdik) qamtıdy. Sózdikte barlyq sózder shaǵyn taqyryptarǵa bólingen, bul este saqtaýda qıyndyq týdyratyn sózderdi kezeń-kezeńmen meńgerýge múmkindik beredi», dep habarlaıdy memlekettik tildi damytý qorynyń baspasóz qyzmetinen.
Jańa sózderdi ıgertý maqsatynda túrli amal-tásilder qoldanylatyn 6 jattyǵý usynylady. Olar sózderdiń qazaqsha aýdarmasyn, aıtylýyn, jazylýyn este saqtaýǵa, durys jazyp, durys sóıleýge kómektesedi.
Aıta keteıik, Soyle.kz - QR Tuńǵysh Prezıdentiniń qory, «Samuryq-Qazyna» AQ jáne «Samsung Electronics» kompanııasynyń qoldaýymen ashylǵan qazaq tilin onlaın rejıminde tegin úıretetin tuńǵysh kýrs, munda tildi jan-jaqty úıretýge baǵyttalǵan ozyq ádister men amal-tásilder qoldanylady. Ashylǵan 9 aıdyń ishinde elimizden jáne shetelderden 160 myńnan astam adam saıt jumysymen tanysyp, olardyń 13 myńǵa jýyǵy qazaq tilin úırenip jatyr.
Jyl sońynda búldirshinderge laıyqtalǵan qyzyqty tapsyrmalar men materıaldarǵa toly «Balalarǵa arnalǵan qazaq tili» bólimi ashylmaq.
