Qazaq tilin oqytý ortalyqtaryn arnaıy akkredıtatsııadan ótkizý júıesi qurylady
ildeniń 26-sy. QazAqparat /Marlan Jıembaı/ - Qazaq tilin oqytý ortalyqtaryn arnaıy akkredıtatsııadan ótkizý júıesi qurylady. Bul týraly búgin Úkimette Premer-Mınıstr Kárim Másimovtiń tóraǵalyǵymen ótip jatqan Tildirdi qoldaný men damytýdyń 2011-2020 jyldarǵa arnalǵan memlekettik baǵdarlamasynyń jobasyn talqylaýǵa arnalǵan keńeıtilgen májilistiń otyrysynda QR Mádenıet mınıstri Muhtar Qul-Muhammed málim etti.
Búginde elimizde jumys isteıtin 101 ortalyqtan turatyn jeli budan ári de kóbeıetini sózsiz ekendigin atap ótken mınıstr, bul salada memlekettik organdar ǵana emes, sondaı-aq jeke bıznestiń de kúsh-jiger jumsap otyrǵandyǵyn atap ótti. Alaıda ol ortalyqtardyń barlyǵy birdeı naryq talaptaryna adal emestigine qynjylys bildirdi.
Onyń aıtýynsha, shtatynda dırektory men býhalteri bar jeke tulǵanyń dempıng arqyly qazaq tilin oqytý tenderin utyp alatyn kezderi az emes. Sóıtip ol birer muǵalimdi jaldap, oqytý úrdisin qalaı bolsa solaı ótkizip, sonysymen memlekettik tildi meńgerý ıdeıasyna ólsheýsiz nuqsan keltiredi.
«Bul rette memlekettik tildi oqytý ortalyqtaryn mindetti túrde akkredıtatsııalaý máseleni sheshýdiń birden-bir joly bolady dep esepteımin. Osy baǵytty júzege asyrý arqyly ortalyqtardyń bilim berý qyzmetiniń mindetti standartyn engizýdi ǵana emes, olardyń qyzmetin baǵalaýdyń retıngtik júıesin engizý qajet», - dedi M.Qul-Muhammed.
