Qazaq tilin meńgerýge degen talpynysty yntalandyrý kerek - Elbasy

NUR-SULTAN. QazAqparat – Qazaqstan halqy Assambleıasynyń XXIX sessııasynda QR Tuńǵysh Prezıdenti-Elbasy, QHA Tóraǵasy Nursultan Nazarbaev qazaq tilin meńgerýge talpynǵan adamdardyń umtylysyn yntalandyrý kerektigin aıtty, dep habarlaıdy QazAqparat tilshisi.

Memlekettik tildiń biriktirýshi róline toqtalǵan Elbasy, «bul protsess barsha álemde tabıǵı qubylys. Sondyqtan qazaq tilin túsinip, meńgerýge degen talpynysty qoldap, barsha jerde yntalandyrýymyz kerek», - dedi.

Osy oraıda N. Nazarbaev Qazaqstan halqy Assambleıasy bul baǵytta eleýli ról atqaryp kele jatqanyn atap ótti. QHA jumysy aıasynda ózge ult ókilderi qazaq tilin jaqsy meńgerip aldy.

«Bul baǵyttaǵy talpynysty baıqap otyrmyz. Qanshama jastar Assambleıa atynan ómirge joldama aldy. Assambleıa aınalasyndaǵy jumys barysynda memlekettik tildi meńgerýge múmkindik jasaldy. Qazirgi kezde bul adamdar jaýapty qyzmetterde júr, birneshe tilde emin-erkin sóıleı alady», - dedi Elbasy.

Budan buryn habarlanǵandaı, búgin Elbasynyń tóraǵalyǵymen Qazaqstan halqy Assambleıasynyń «Birliktiń, tatýlyq pen kelisimniń 30 jyly» atty XXIX sessııasynyń jumysy bastaldy.

Nursultan Nazarbaev álem elderiniń Qazaqstanǵa qatysty senimi týraly pikir bildirdi.