Qazaq tili týraly taǵy tórt portal iske qosyldy
«Qazaqstan Respýblıkasynda tilderdi damytý men qoldanýdyń 2011-2020 jyldarǵa arnalǵan memlekettik baǵdarlamasynda memlekettik tildi úıretý úderisine jańa aqparattyq tehnologııalardy engizý qajettigi basa kórsetilgen bolatyn. «Til álemi» portalynyń «Atau.kz» onomastıkalyq, «Emle.kz» orfografııalyq, «Termincom.kz» termınologııalyq saıtynyń iske qosylýy ınternet keńistigindegi tildik kontenttiń kóbeıýine, memlekettik tildi qashyqtan úırenýshiler qatarynyń ósýine múmkindik jasaıdy»,-dep habarlaıdy derekkóz.
Aqparatqa súıensek, «Til álemi» portaly tildiń áleýmettik, qoǵamdyq qubylys retindegi qyzmetin meılinshe tolyq qamtyǵan. Portaldyń mazmuny qoǵamdaǵy tildik suranystarǵa oraı 1) Tuǵyr; 2) Aqparat; 3) Ádis; 4) Til raıy; 5) Tartý; 6) Tolǵanys; 7) Orta taqyrybyndaǵy 7 blokqa toptastyryldy.
«Termincom.kz» elektrondyq saıty «Bekitilgen termınder», «Termınder hronologııasy», «Qoldanystaǵy salalyq termınder», «Oıtalqy», «Quqyqtyq-normatıvtik baza», «Ǵylymı-ádictemelik negizder» jáne «Іzdeý» bloktarynan turady. Al «Atau.kz» onomastıkalyq elektrondyq saıty «Quqyqtyq-normatıvtik baza», «Ǵylymı-tájirıbelik negizder» jáne «Іzdeý» bloktarynan turady. «Quqyqtyq-normatıvtik bazada» salaǵa qatysty quqyqtyq negizdegi qujattar toptastyrylǵan. «Emle.kz» saıty qazaqsha durys jazý, sózdi durys aıtý, jurtshylyqtyń til mádenıetin kóterý maqsatynda quryldy.
«Bul jobalardyń iske qosylýy memlekettik tildiń qoldanylý aıasyn keńeıtýge, til úıretýdiń tıimdi ádisterin taratýǵa qolaıly jaǵdaı jasaıdy. Tutynýshylar til biliminiń kez kelgen salasy boıynsha týyndaǵan suraqtaryna jaýap ala alady»,-dep habarlanǵan mınıstrliktiń aqparatynda.
