Qazaq tili tatýlyq tiline aınalýy tıis - QR Prezıdenti
Búgin Qazaqstan halqy Assambleıasynyń «Qazaqstandyq jol: turaqtylyq, birlik, jańǵyrý» taqyrybymen ótken HІH sessııasynda sóz sóılegen Elbasy Nursultan Nazarbaev osylaı málim etti.
QR Prezıdentiniń atap ótýinshe, qazaq halqy men memlekettik til -damyp kele jatqan qazaqstandyq azamattyq qoǵamdy biriktirýshi ıadro retinde yqpal etetin bolady. Bul úderis obektıvti túrde júrgizilýde. Memlekettik buqaralyq aqparat quraldarynyń 70 paıyzy qazaq tilinde jaryq kóredi. Qazaq tilinde bilim beretin mektepterde oqyp jatqan oqýshylardyń sany 63 paıyzdy quraıdy.
2020 jylǵa qaraı qazaqstandyqtardyń 90 paıyzy qazaq tilin meńgerýine qol jetkizý mindeti júktelgenin basa aıtqan Memleket basshysy: «Memlekettik tildi meńgerýge aldymen ózimizdiń qandastarymyz oń úles qosýy kerektigin aıtyp kelemin. Elimizde 10 mln.-nan astam qazaq bolatyn bolsa jáne olar túgel tildi ıgerse, baılyqtyń eń úlkeni osy bolar edi. Ózimiz, bárimiz ıgersek, sóılesek osyndaı orta paıda bolatyn bolsa, barlyq máselemiz sheshiledi. Qazaq tili barshany biriktiretin, jastardy jaqyndastyratyn tatýlyq tiline aınalýy tıis», - dediPrezıdent.
