Qazaq tili muǵalimi Alena: Til úırenem deýshilerdi shama kelgenshe qatarymyzǵa tartyp jatyrmyz
Búginde Alena ıÝrevna negizgi jumysynan bólek, bilim ortalyǵynda qazaq jáne aǵylshyn tilderinen sabaq beredi. «Sóıle» tildesý úıirmesiniń jattyqtyrýshysy.
Onyń qazaq tiline degen mahabbaty ómirin ózgertip, maqsatyna jetelegen.
Memlekettik tildi jetik meńgergen keıipkerimiz Zerendi aýdanynyń Troıtskoe aýylynda qarapaıym otbasynda dúnıege kelgen.
Otbasyndaǵy jalǵyz qyz memlekettik tildi mektepte oqyp júrgende úırenipti.
Altynshy synypta ózge ult ókilderi arasynda uıymdastyrylǵan aýdandyq til baıqaýynda úzdik atanǵan onyń jergilikti ult tili men ádebıetine degen mahabbatynyń oty mazdaı túsken.
«Maǵan qazaq tilin úıretýde Saıran Lıkerova, Toltyr Ábisheva sııaqty ustazdarym kóp eńbek sińirdi», – dep bastady áńgimesin keıipkerimiz. – Sol jyldary oblystyq baıqaýlarǵa qatysyp, qazaq tilinen bilimimdi jetildirdim. Ýnıversıtettiń birinshi kýrsynda oqym júrgenimde oblystyq «Til – parasat» baıqaýynyń jeńimpazy atanyp, respýblıkalyq baıqaýǵa joldama aldym. Nátıjesinde, osy dodada oblysymyzdyń namysyn qorǵap, úshinshi orynǵa ıe boldym. Men orys mektebi bitirdim, ýnıversıtette de orys tobynda oqydym. Alaıda, bul meniń memlekettik tilge degen mahabbatym men qushtarlyǵyma kedergi keltire almady».
Sonymen birge, Alena qazaqtyń uly aqyny Abaı Qunanbaevtyń otyzdan astam óleńin jatqa biledi.
«Abaıdyń poezııasy maǵan unaıdy. Onyń shyǵarmalaryn súıip oqımyn. «Zaman aqyr jastary», «Ata-anaǵa kóz qýanysh» óleńderi júrekti jaýlap alady», - dep qosty keıipkerimiz.
Tuńǵysh Prezıdent qory syılyǵynyń laýreaty Alena ıÝrevnanyń sportta da jetistikteri joq emes.
Qazaqstan Respýblıkasynyń paýrlıftıngten sport sheberi, paýerlıftıng jáne ziltemir jatyp kóterýden 3 dúrkin Azııa, 13 dúrkin el chempıony.
Joldasy Vladımırdiń negizgi mamandyǵy - órt sóndirýshi, paýrlıftıngpen aınalysady.
Osy kúni keıipkerimizdiń shákirtteri de oblystyq jáne respýblıkalyq til saıystarda top jaryp júr.
«Shamamyz kelgenshe memlekettik tildi úırenemin deýshilerdi qatarymyzǵa tartyp jatyrmyz. Ózge ult ókilderine ókpe joq. Jergilikti ult ókilderiniń óz tilin bilmeýi, bilýge asyqpaýy janyńa batady. Kóńilim qulaı súıgen qazaq tili men ádebıeti pániniń muǵalimi retinde memlekettik tildi bilý elimizdiń kez kelgen turǵynynyń azamattyq paryzy dep sanaımyn. Shákirtterime de osyny únemi mıyna quıyp kelemin», – dep túıindedi Alena Malkova-Solopova.
