Qazaq tildi saıttar arasyndaǵy «Internet-dodanyń» jeńimpazdary anyqtaldy

Atalǵan baıqaýǵa qatysý úshin memlekettik tildi nasıhattap, jastar saıasatyn damytýǵa úles qosyp júrgen ǵalamtor jelilerinen 50-den astam ótinish tústi. «Internet-doda» barysynda tek jastarǵa arnalǵan memlekettik tildegi, «kz» domeni bar veb saıttar ǵana baq synady. Іrikteý kezinde veb saıttardyń mazmuny, dızaıny, grammatıkasy, jańartylýy, oqyrmandarynyń sany, pikirlerdiń, sýretterdiń, foto-vıdeo materıaldardyń sapasyna erekshe kóńil bólindi. Qatysýshylardyń sanyna shekteý qoıylmady. Al telearna, radıo, gazetter, memlekettik jáne sheteldik uıymdardyń saıttary baıqaýǵa qatystyrylǵan joq.

Baıqaý qorytyndysy boıynsha úsh saıt jeńimpaz dep tanyldy. Olar: «Massaget» (Massaget.kz) - 1 oryn, «Aınalaıyn» (Aynaline.kz) - 2 oryn jáne «Suraq-jaýap» (Szh.kz) - 3 oryn. Jeńimpazdardan bólek, jastarǵa arnalǵan qazaq tildi saıttardy qoldaý maqsatynda 17 saıt júldegerlerdiń qataryna endi.

Aıta keteıik, «Internet-doda» baıqaýynyń jeńimpazdarynmarapattaý rásimi búgin «Astanalyq» bıznes ortalyǵynda keshki saǵat 17:00-de ótedi.