Qazaq tildi pernetaqtany baıqaǵanda ózin joıyp jiberetin troıan anyqtaldy
ASTANA. QazAqparat - «Doktor Veb» kompanııasynyń mamandary jańa troıandyq baǵdarlamany tapty, ol juqqan kompıýterde qazaq tili pernetaqtasyn baıqasa jumysyn toqtatyp, ózin ózi joıyp jiberedi, dep jazady Cnews saıty.
Windows qurylǵyǵa zalal keltiretin troıan kompıýterden qazaq tilimen qatar, belorýs, orys jáne ýkraın tilindegi pernetaqtalardy baıqasa ózin ózi joıyp jiberetindigi anyqtalǵan.
«Shamasy bul vırýsty ázirleýshilerdiń marketıngilik maqsatyna baılanysty sekildi, mysaly olar TMD elderine troıannyń basqa nusqasyn taratýy múmkin», - deıdi «Doktora Veb» kompanııasynyń sarapshysy Pavel Shalın.
Jańa troıan BackDoor.Andromeda.1407 dep ataldy. Onyń negizgi maqsaty - vırýs jazǵandardyń buıryqtaryn oryndaý, onyń ishinde zararly baǵdarlamalyq qamtylymdy júkteý jáne ornatý, deıdi mamandar.
