Qazaq tildi eń úzdik blogtar anyqtaldy
ALMATY. 24 naýryz. QazAqparat /Názıra Eleýhan/ - Almatyda tuńǵysh ret ótken qazaq blogshylarynyń І quryltaıy barysynda qazaq tilindegi 2011 jyldyń eń úzdik blogtary anyqtaldy.
Jýrnalıst Órken Kenjebektiń blogy «Eń kóp jańalanatyn blog» atalymy boıynsha úzdik dep tanyldy. Al «Eń kóp talqylanatyn blog» atalymynda Dinmuhammed Zııadınniń «Qısyq» atty blogy, «Eń paıdaly taqyryptyq blog» atalymynda «Aspazdyq» blogy, «Eń úzdik aqparattyq blog» atalymynda blogshy, jýrnalıst Ashat Erkimbaıdyń «Órimtal» blogy, «Eń úzdik aqparattyq-tehnologııalyq blog» atalymynda jýrnalıst, blogshy Erbol Azanbektiń «avto.kz» blogy, «Eń úzdik saıası-áleýmettik blog» atalymynda jýrnalıst, blogshy Búrkit Nurasyldyń «Aqıyq» blogy dara shyqty. Erlan Ospannyń blogy «Eń saýatty blog» dep tanyldy.
Sonymen qatar «Eń jas blogshy» retinde Mońǵolııada turatyn kishkentaı qandasymyz Lashynnyń blogy ataldy. Al eń úzdik pikir jazýshy bolyp Asqar Bazarbaev tanyldy.
Bıylǵy jyldyń úzdik blogtaryna «Nokia» kompanııasy uıaly telefon syıǵa tartsa, «Qazaqtelekom»AQ-y 1 jylǵa tegin «Megalaın» qyzmetin usyndy, sonymen qatar NR kompanııasy túrli-tústi prınter men netbýk syıǵa tartty.
Sonymen qatar quryltaı barysynda start-ap baıqaýy ótkizilip, 3 úzdik joba anyqtaldy. Germanııada oqıtyn stýdent Saǵyn Qaldybekovtyń «Ana men bala» saıty, Talǵat Baınazarovtyń «Geogebra» jobasy, Erbol Serikbaıdyń termin.kz saıty, mońǵolııalyq qandasymyz Ómirbek Qabaıdyń «kazlife.com» saıty úzdik dep tanylyp Kcell/GSM Qazaqstan kompanııasy tarapynan 100 myń teńge men «Qazaqtelekom»AQ tarapynan tegin hostıngke ıe boldy.
