Qazaq tildi BAQ arasynda prezıdenttik saılaý keńinen talqyǵa túsýde
ASTANA. QazAqparat - Qazaq tildi buqaralyq aqparat quraldary arasynda prezıdenttik saılaý keńinen talqyǵa túsýde. Bul týraly búgin «Amanat» ıntellektýaldy pikirsaıys klýbynyń «Saılaý naýqany kezinde ınternet resýrstarynyń róli» taqyrybyna arnalǵan otyrysynda málim etildi.
«Aqpan aıynda qazaq tildi BAQ arasynda eń kóp talqylanǵan, eń pikir qaldyrylǵan maqalalar kezekten tys prezdenttik saılaýy boldy. 16-22 aqpan aralyǵynda Qazaqstan halqy Assambleıasynyń kezekten tys prezıdenttik saılaý ótkizý bastamasyn talqyǵa salyndy. Al 23-28 aqpan aralyǵynda taqyryp aýytqyp, ıaǵnı saılaý tehnologııalary, saılaýdy uıymdastyrý máselelerine basa mán berildi», - dedi QR Prezıdenti janyndaǵy Strategııalyq zertteýler ınstıtýtynyń sarapshysy Alýa Joldybalına.
Onyń atap ótýinshe, bul taqyryptar merzimdi basylymdarǵa qaraǵanda medıa portaldarda barynsha keń talqylaýǵa túsken. Saılaýǵa qatysty pikir bildirgen resýrstar mynalar: Abaı.kz, Ult.kz, Qamshy.kz, Jaqsy.kz portaldary. Al qazaq tildi BAQ aıasynda «Alash aınasy» portaly tek resmı málimettermen ǵana shektelgen.
