Qazaq tarıhynyń 550 jylynda jaýynger áıel qalaı ózgerdi (FOTO VIDEO)

ASTANA. QazAqparat - Qazaqstan armııasynyń qurylý tarıhy - bul túp-tamyry tereńge jaıylǵan, kóneniń kózine aınalǵan dúnıejúzi tarıhynyń bóligi ispetti. Táýelsizdik pen erkindik úshin aıbarly batyrlarymyz shaıqasqa tústi. Olardyń arasynda názik jandy arýlar da boldy. Bul týraly QR Qorǵanys mınıstrliginiń baspasóz qyzmeti habarlaıdy.

Qazaq halqy jońǵar shapqynshylyǵy, qasiretti zulmat jyldar, ekinshi dúnıejúzilik soǵys, Aýǵanstandaǵy áskerı shıelenisterge qatysý syndy talaı taǵdyr synynan ótti.

Búgingi tańda qazaqstandyq armııa qatarynda óziniń qasıetti boryshyn abyroımen atqaryp júrgen 8 myńnan asa áıel áskerı qyzmetshi qyzmet etedi.

7 mamyr kúnin Otan qorǵaýshylar erler qaýymy ǵana emes, sonymen birge týǵan jerimizdiń tynyshtyǵyn saqtap, táýelsizdigimizdiń berik qalqany, uıytqysy bolyp otyrǵan Otan qorǵaýshy qyz-kelinshekterimiz de atap ótetin bolady.