Qazaq tarıhynyń 10 tomdyǵy shyǵarylady
ALMATY. 24 mamyr. QazAqparat /Erlik Erjanuly/ - Otan tarıhy ǵylymy azattyq jyldarynda ıdeologııalyq erkindik aldy. Bul jaıynda búgin Almatyda ótip jatqan «Otan tarıhy jáne mádenı muralardyń ózekti máseleleri» dep atalatyn jas ǵalymdardyń ІІ Respýblıkalyq ǵylymı konferentsııasynda aıtyldy.
«Instıtýt ǵalymdary táýelsizdik jyldary Qazaq tarıhynyń 5 tomdyǵyn shyǵardy. Bul keńestik jyldary shyqqan 5 tomdyqtyń baıytylǵan jańasha nusqasy. Árıne, onda da kemshilikter bar. Ony kórip otyrmyz, aldaǵy ýaqytty bul olqylyqtardy joıamyz dep oılaımyz», - deıdi Shoqan Ýálıhanov atyndaǵy tarıh jáne etnologııa ınstıtýtynyń dırektoryHangeldi Ábjanov.Onyń aıtýynsha, Qazaq tarıhyna 5 tom jetkiliksiz. Aldaǵy ýaqytta 10 tomdyǵy shyqpaq. Ár tom 2 kitaptan turady dep josparlanýda. Ony qazir ǵalymdar talqylap, óz oı-paıymdaryn bildirýde.
«Qazaq tarıhy tek Shoqan Ýálıhanov atyndaǵy tarıh jáne etnologııa ınstıtýty qyzmetkerleriniń kúshimen jazylmaıdy. Oǵan barlyq bilikti mamandar tartylady. Tarıhtyń aqtańdaq betterin jazýǵa jastar da belsendi túrde atsalysýy kerek. Ol úshin ǵylymı ataq emes, izdenis qajet. Qazir ǵalymnyń úlesi ǵylymı monografııamen ǵana ólshenbeıdi», - deıdi tarıh ǵylymynyń doktory , professor Haıdar Mahmutuly.
