Qazaq taekvondoshylary jyldyń alǵashqy týrnırinde 14 medal jeńip aldy

ASTANA. KAZINFORM — Bolgarııa astanasy Sofııada «Bulgaria Open G1» halyqaralyq týrnıri óz máresine jetti. Atalǵan týrnırde eresekter arasynda Qazaqstan komandasy 1 altyn, 5 kúmis jáne 8 qola júldege qol jetkizdi.

Altyn júldeni 74 keli salmaqta Maqsat Orynbasar jeńip aldy.

Al kúmis júldege Áziret Dúısenbek (54 kg), Bektóre Oralhan (58 kg), Batyrhan Tóleýǵalı (80 kg), Nurlan Myrzabev (87 kg) jáne Nodıra Ahmedova (49 kg) qol jetkizdi.

Al úzdik úshtikten kórinip, qolaǵa qol jetkizgen sportshylarymyz — Artýr Serik (54 kg), Amanbol Begimbetov (63 kg), Damır Shýlenov (68 kg), Mergen Ǵanıev (80 kg), Nuraı Baýyrjanova (49 kg), Aıdana Súndetbaı (53 kg), Nuraı Qazynabek (57 kg) jáne Kamıla Aımuqasheva (62 kg).

Aıta keteıik, Esbol Sultanov baptaıtyn Qazaqstan quramasy úshin bul 2025 jyldaǵy alǵashqy halyqaralyq jarys.

Esterińizge sala keteıik, osyǵan deıin Qazaqstan WT taekvondo federatsııasynyń prezıdenti Qudyret Shámıev Kazinform tilshisine arnaıy suhbat berip, jańadan jasaqtalǵan otandyq federatsııanyń az ǵana merzimde istegen jumystaryna baǵa bergenin jazǵan bolatynbyz.