Qazaq stýdentteri Gongongta teatrlandyrǵan shoý uıymdastyrdy
BEIJІŃ-GONKONG. QazAqparat - Gonkongtaǵy Qazaqstan stýdentteri QR Bas konsýldyǵymen birlese otyryp Naýryz meıramyn atap ótti, dep habarlaıdy Qytaıdaǵy «QazAqparat» HAA menshikti tilshisi.
Gonkong Polıtehnıkalyq Ýnıversıtetiniń stýdentteri óz muǵalimderi men ár elden kelgen kýrstastaryna arnap merekelik teatrlandyrylǵan shoý uıymdastyrdy.
Merekelik qoıylymda qazaqstandyq stýdentter sheteldik aýdıtorııany qazaq halqynyń mádenıetimen, ulttyq tamaqtarymen tań qaldyrdy. Sheteldik stýdentter qazaqtyń ulttyq oıyndaryna qatysty.
Osyndaı is-shara Gonkongtaǵy qazaqstandyq stýdentterdiń ekinshi toby oqyp jatqan Baptıst ýnıversıtetinde de uıymdastyryldy. Munda da sheteldik aýdıtorııaǵa bizdiń elimizdiń tarıhy, mádenıeti men qazirgi zamanǵy damýy tanystyrylyp, oıyn-saýyq ınteraktıvti konkýrstar ótkizildi.
Іs-sharaǵa qatysqan qazaqstandyq dıplomattar Ortalyq Azııadaǵy Naýryz merekesi týraly aıtty. Sonymen qatar bizdiń elimiz ben Elbasymyzdyń mádenı, tarıhı jáne lıngvıstıkalyq qaýymdastyq negizinde aımaq elderin ıntegratsııalaýdaǵy rólin, qoǵamdyq sanany jańǵyrtý mindetterin eskere otyryp, qazaqstandyq dıplomatııanyń basymdyqtaryn, ulttyq mádenıet pen tarıh týraly jetkizdi.
Esterińizge sala keteıik, Gonkongta álemdik deńgeıdegi QS World University Rankings Worldwide nusqasy boıynsha álemniń jetekshi 100 ýnıversıtetiniń qataryna kiretin bilim ordalary ornalasqan. Búgingi munda Qazaqstannan 100-ge jýyq stýdent bilim alyp jatyr. Olardyń kópshiligi bakalavrıat baǵdarlamasy boıynsha oqıdy.
