Qazaq sportyna ózgerister kerek - Ermahan Ibraımov, Sıdneı Olımpıadasynyń chempıony

ASTANA. QazAqparat - Búgingi tańda qazaq sportyn odan ári damytýǵa Mádenıet jáne sport mınıstrligi kóptegen ıgi is-sharalardy atqaryp jatyr. Solardyń biri sport zańdaryn qaıta qarap, ózgertýler jasap, sportshylarymyzdyń múddesin, quqyǵyn qorǵaýdaǵy, sondaı-aq, joǵary jetistikterge jetýdegi barlyq talaptaryn zańdy túrde júzege asrýdy kózdep otyr.

Osyǵan oraı bokstan 2000 jylǵy Sıdneı Olımpıadasynyń chempıony Ermahan Ibraımov óz pikirin bildirdi.

«Qazaq sportyna ózgerister kerek ekeni belgili. Osyǵan oraı  sport salasynda «Bul zańǵa engizilgeli otyrǵan jańa ózgeristerdi men óz basym tolyq qoldaımyn. Eshkimge de jasyryn emes qoı, qazir bizde keı óńirler sol jerdiń klımattyq jaǵdaıy, sportshylarynyń deńgeıine saı kelmeıtin sport túrlerin damytýda. Kerisinshe sol aımaqta damýyna tolyq múmkindigi bar sport túrlerine kóp kóńil bóle almaı otyr. Bul jolǵy zańǵa engiziletin ózgerister osy máseleni sheshýge baǵyttalǵan. Parlamenttegi halyq qalaýlylarynyń talqysynan ótip, taǵy da birqatar jaqsy ózgeristerdi sol kisiler usynady dep úmittenemin. Jalpy, qorytyp aıtqanda osy ózgerister otandyq sport salasynyń damýyna jańa múmkindikter ashady dep oılaımyn», - dedi ol.