Qazaq sportshysyn UFC-tegi alǵashqy aıqasy aldynda qarsylasy qorqytpaqqa árekettendi
ASTANA. QazAqparat - UFC-tegi alǵashqy qazaq Damır Ismaǵulovty onyń qarsylastary kóz arbasý kezinde qorqytpaq bolǵan. Ol bul týraly óziniń áleýmettik jelidegi paraqshasynda bólisti, dep habarlaıdy Sports.kz.
Kóz arbasý kezinde salmaq ólsheý rásiminen keıin qarsylasy oǵan tumsyq túıistire jaqyndap, shapalaqpen tartyp jiberemin dep qorqytqan. Bul týraly Damır óziniń Instagram paraqshasynda bólisti.
«Meni qarsylastarym «óltiremin» dep jıi qorqytatyn, sondyqtan «shapalaqtaımyn» degen sózden qoryqpaımyn jáne men aǵylshyn tilin jaqsy bilmeımin. Jaqynda «qyzyq» bolady», - dep bólisti Damır.
Eske salaıyq, jeltoqsannyń 1-nen 2-isine qaraǵan túni Adelaıdta (Aýstralııa) UFC Fight Night 142 aralas jekpe-jek keshi ótedi. Oǵan etnıkalyq qazaq Damır Ismaǵulov qatysady. Ol «Hıtmen» laqap atymen tanymal jergilikti sportshy Aleks Gordjespen aıqasady.
