Qazaq sportshylaryna Olımpıada kezinde oraza tutý mindettele me?
ASTANA. 15 maýsym. QazAqparat - Bıylǵy Londonda ótetin olımpıada oıyndary Ramazan aıyna sáıkes keledi. Jazǵy oıynǵa shamamen 3000 musylman sportshy qatysady degen Halyqaralyq Olımpıada komıteti, Ramazan aıynda osynshama musylmannyń
oraza tutýy oıynnyń qyzý básekesine kesirin tıgizýi yqtımal dep alańdaýly. Óıtkeni, Saýd Arabııasy nemese Iran sııaqty ıslam memleketterindegi olımpıada komıteti sportshylarǵa oraza tutýdy talap etýi múmkin. Bul týraly BAQ.kz portaly jazady.
31 arnanyń habarlaýynsha, Tipti, Orazany keıinge qaldyrý máselesi keıbir musylman elderinde aıyptalýy yqtımal.
Arnaıy zertteý júrgizgen halyqaralyq komıtet, jarystar men saıystardyń kóbin tańerteń erte ótkizýdi qarastyryp jatyr qazir. Sondaı-aq, olımpıada barysynda musylman sportshylardyń aýyz bekitýlerine jaǵdaı jasalady dep habarlap otyr. Al, bizdegi dinı basqarmasyndaǵylar, qazaq sportshylary orazasyn keıinge qaldyryp, artynan óteı alady. Bul mindet jolaýshy musylmandarǵa jeńildetilgen. Osy jeńildikti paıdalanýlary tıis deıdi.
NURBEK ESMAǴANBET, IMAM:
-Eger kimde kim jolaýshy ne syrqat bolsa, paryzyn basqa kúnderi ótesin degen. Bizdiń sportshylar el namysyn qorǵaýǵa bara jatyr. Sondyqtan kelgen soń qaryz kúnderin artynan óteýine bolady.
