Qazaq sportshylary Gýanchjoýda ótip jatqan Azııa jarystarynda eki kúmis jáne úsh qola júlde jeńip aldy
BEIJІŃ- GÝANChJOÝ. 22 qarasha. QazAqparat /Rýslan Súleımenov/ - Ótken demalys kúnderi Gýanchjoýda ótip jatqan 16-shy Azııa oıyndarynda qazaq sportshylary grek-rım kúresi jáne semserlesý saıysy boıynsha el qorjynyna eki kúmis jáne úsh qola medal ákeldi.
66 keli salmaqqa deıin grek-rım kúresi boıynsha kúsh synasqan Darhan Baıahmetov kúmis júldege ıe boldy. Fınaldyq jarysty qazaq balýany Irannan kelgen sportshy Saed Abdvalıdan 1:3 esebimen utylyp qaldy.
Semserselý boıynsha Elmır Álimjanov, Aleksandr Aksenov, Dmıtrıı Grıaznov jáne Sergeı Shabalın Ońtústik Koreıa quramasynan 31:45 esebimen artta qalyp, kúmis medalǵa ıe boldy. Alaıda jartylaı fınalda qazaqstandyq sapshylar qytaılyqtardan ozyp ketken bolatyn.
Semserlesý boıynsha qola medalǵa ıe bolǵan Álııa Bekturǵanova, Anastasııa Gıtmıdınova, Tatıana Pochekýtova men ıÝlııa Jıvıtstan quralǵan áıelder quramasy da belsendilik tanytty. Jartylaı fınalda sportshy qyzdarymyz Ońtústik Koreıa quramasyna jol berdi, esep 29:45.
Grek-rım kúresi boıynsha 55 keli salmaqqa deıin el namysyn qorǵaǵan Marat Kárishalov Hamıd Sarıandy 3:0 esebimen jeńip, qola júldege ıe boldy.
Sınhrondyq júzý boıynsha Qazaqstan quramasy 85,375 upaı jınap, qola júldeni qanaǵat tutty. Osy saıys túri boıynsha qytaılyqtar alǵa shyqsa, Japonııa quramasy ekinshi oryndy aldy.
Júldelik esep boıynsha Qazaqstan 11 orynda tur. Bizdiń quramanyń esebinde 36 medal, onyń ishinde 4 altyn, 11 kúmis jáne 21 qola júlde bar. 278 medal, sonyń ishinde 146 altynǵa ıe bolyp otyrǵan Qytaı eli alda keledi. Ekinshi jáne úshinshi orynda Ońtústik Koreıa (162-55) men Japonııa (145-30) elderi tur.
