Qazaq sportshysy Qytaı atynan Mılan Olımpıadasyna qatysady

MILAN.KAZINFORM — Qytaıda týyp-ósken ulty qazaq sportshy Aqnar Adaq Italııanyń Mılan jáne Kortına-d’Ampetstso qalalarynda ótip jatqan XXV qysqy Olımpıada oıyndarynda baq synaıdy. 

Qandasymyz Mılan Olımpıadasynda áıelder arasynda komandalyq konkımen júgirý jarysynda óner kórsetedi.

Aıta keteıik, Konkıshi Aqnar Adaq — Shynjań ólkesi, Qutybı aýdanynda dúnıege kelgen.

Birneshe márte Qytaı chempıony, qysqy Azııa oıyndarynyń jáne basqa halqarylq jarystardyń jeńimpazy. Sonymen qatar, ol Beıjińdegi XXIV qysqy Olımpıada oıyndarynda Qytaı quramasy sapynda óner kórsetken.

Osyǵan deıin habarlaǵanymyzdaı, Aqnar Adaq Hatınohe qalasynda (Japonııa) ótken tórt qurlyq chempıonatynda altyn medal jeńip aldy.

Qazaq qyzy Harbın qysqy Azııa oıyndarynda konkımen júgirýden komandalyq iz qýý jarysynda altyn medal enshilegen edi.