Qazaq sportshylary Olımpıadanyń alǵashqy kúni qalaı óner kórsetti
PARIJ. KAZINFORM – Búgin Frantsııa astanasy Parıj qalasynda ótip jatqan Olımpıadanyń alǵashqy kúni qazaq sportshylary úshin asa tartysty jáne asa tabysty boldy.
Olaı deıtinimiz el qorjyny Olımpıadanyń alǵashqy kúni 1 qola, 1 altyn medalmen tolyqty.
Naqtyraq aıtsaq, dzıýdodan ulttyq qurama kóshbasshysy Eldos Smetov 60 keli salmaqta Olımpıada chempıony atandy. Ol Parıjdegi oıyndardyń fınalynda jergilikti tatamı sheberi Lýka Mheıdzemen kúresip, qarsylasyn qapy qaldyrdy.
Osylaısha Parıj Olımpıadasynyń chempıony ataǵyna qol jetkizdi.
Eldos osyǵan deıin 2016 jyly Rıo Olımpıadasynda fınalǵa shyqqanymen qarsylasyna ese jiberip, kúmispen kúptelgen bolatyn. Al Tokıo tórinde qanjyǵasy qola medalmen tolyqty. Parıj olımpıadasyna deıin onda tek altyn medal ǵana bolmaǵan. Mine, búgin sol olqylyqtyń orynyn toltyryp, chempıondyqqa qol jetkizdi.
Sonymen qatar búgin pnevmatıkalyq vıntovkamen 10 metrden nysana kózdeýden Qazaqstan komandasy Olımpıadasynyń qola júldesin jeńip aldy. Ony Islam Sátpaev pen Aleksandra Le syılady.
Endi ózge sport túrlerine toqtalyp ótsek, akademııalyq eskek esýden erler arasyndaǵy irikteý saıysynda otandasymyz Vladıslav ıAkovlev márege 5-shi bolyp jetti. Onyń ýaqyt kórsetkishi – 7:21.56 sekýnd.
Pnevmatıkalyq tapanshamen 10 metrden nysana kózdeýden erler arasyndaǵy irikteýde Nıkıta Chırıýkın 15-satyǵa turaqtap, fınalǵa shyǵa almady.
Pnevmatıkalyq tapanshamen 10 metrden nysana kózdeýden áıelder arasyndaǵy irikteýde Irına ıÝnýsmetova 574 upaımen 11-satyǵa taban tiredi.
Dzıýdoshy Ábıba Ábýjaqynova Parıj Olımpıadasynyń qola júldesi úshin beldesýde Tara Babýlfattan (Shvetsııa) jeńilip qaldy.
Velosporttan jekeleı syndaǵy ýaqytqa jarysta ulttyq qurama sportshysy Evgenıı Fedorov 21-satydan kórindi. Onyń ýaqyt kórsetkishi – 38:33.98 sekýnd.
Qazaqstandyq tennısshi Aleksandr Býblık Parıj Olımpıadasynda Teılor Frıtske (AQSh) ese jiberip, jekeleı syndy aıaqtady.
Sporttyq gımnastıka saıysy boıynsha Mılad Karımı men Narıman Qurbanov irikteý kezeńinde óner kórsetti.
At jattyǵýynda Narıman Qurbanov – 15.000 upaı (5-oryn), Mılad Karımı – 13,266 upaı (30-oryn) jınady.
Mılad Karımı erkin jattyǵýdy 7-orynmen (14.433 upaı), kópsaıysty 15-orynmen (14.433 upaı) aıaqtasa, qos shyǵyrshyqta 21-orynǵa (14.366 upaı) taban tiredi. Al shyǵyrshyqta 36-orynnan (13.000 upaı), kerme jattyǵýynda 12.700 upaımen 40-orynnan kórindi.
63,5 kg salmaqtaǵy boksshy Muhammedsabyr Bazarbaıuly alǵashqy aınalymda Oıer Ibarechcheden (Ispanııa) basym túsip, kelesi kezeńge joldama aldy.
Ústel tennısinen Ulttyq qurama kóshbasshysy Kırıll Gerasımenko Parıj Olımpıadasyndaǵy birinshi oıynda qarsylasyn basym tústi. Otandasymyz chılılik atlet Nıkolas Býrgosqa esh múmkindik bermedi. Esep 4-0.
Olımpıadanyń birinshi jarys kúniniń qorytyndysy boıynsha Qazaqstan quramasynyń qorjynynda 1 altyn, 1 qola júlde bar.
Qazir jalpy medaldar kestesinde Belgııa, Japonııa quramalarymen birge 5-oryndy ózara bólisip tur. Al kósh basynda 3 altyn, 2 kúmis medalmen Avstralııa quramasy tur. Ekinshi oryndy 2 altyn, 1 qola medal jeńip alǵan Qytaı quramasy ıelenip tursa, úzdik úshtikti 1 altyn, 2 kúmis, 2 uola medalmen AQSh quramasy túıindep tur.
