Qazaq sportshylary Olımpıada oıyndarynda qandaı jetistikterdi baǵyndyrdy
ASTANA. KAZINFORM - Frantsııa astanasy Parıj qalasynda ótetin XXXIII jazǵy Olımpıada oıyndarynyń bastalýyna sanaýly aı ǵana qaldy. Tórt jyldyq doda2024 jyldyń 26 shildesi men 11 tamyz aralyǵynda ótedi. Búgingi tańda Qazaqstan sportshylary Parıj Olımpıadasyna 47 joldama jeńip aldy. Qazaq sportshylaryn alda taǵy da 30-ǵa jýyq lıtsenzııa sarapqa salynatyn týrnırler kútip tur. Demek, joldamalar sany taǵy da tolyǵa túsedi dep senemiz. Osy oraıda, qazaq sportshylary táýelsizdikten beri qaraı Jazǵy Olımpıadaǵa qaı sport túrinen eń kóp sportshy aparǵanyn jáne kimderdiń Olımpıada júldesin jeńip alǵanyn nazarlaryńyzǵa usynamyz.
Jazǵy Olımpıadaǵa qaı sporttyń ókilderi kóp barady?
1996 jyldan beri Qazaqstan 7 jazǵy Olımpıadaǵa qatysyp, 14 altyn, 22 kúmis, 35 qola júlde jeńip alǵan. Sportshylar sany boıynsha málimet kelesideı:
- Jeńil atletıka – 140 sportshy
- Kúres (erkin kúres, grek-rım kúresi, áıelder kúresi) – 88 sportshy
- Boks – 65 sportshy
- Sý doby – 62 sportshy
- Dzıýdo – 55 sportshy
- Júzý – 48 sportshy
- Kanoe – 46 sportshy
- Aýyr atletıka – 42 sportshy
- Velosport – 35 sportshy
- Nysana kózdeý – 31 sportshy
- Sadaq atý – 21 sportshy
- Gandbol – 14 sportshy
- Úlken tennıs – 12 sportshy
- Qazirgi bessaıys – 12 sportshy
- Sınhrondy júzý – 12 sportshy
- Voleıbol – 12 sportshy
- Semserlesý – 11 sportshy
- Taekvondo – 11 sportshy
- Tuǵyrdan sekirý – 11 sportshy
- Sporttyq gımnastıka – 9 sportshy
- Akademııalyq eskek esý – 8 sportshy
- Trıatlon – 6 sportshy
- Karate – 5 sportshy
- Kórkem gımnastıka – 4 sportshy
- Ústel tennısi – 4 sportshy
- Batýttaǵy sekirý – 1 sportshy
- Quzǵa órmeleý – 1 sportshy
Olımpıadada oıyndarynda eń kóp júlde alǵan sport túri:
- Boks – 7 altyn, 7 kúmis, 10 qola
- Jeńil atletıka – 2 altyn, 1 kúmis, 2 qola
- Kúres – 1 altyn, 5 kúmis, 11 qola
- Aýyr atletıka – 1 altyn, 4 kúmis, 6 qola
- Velosport – 1 altyn, 1 kúmis
- Qazirgi bessaıys – 1 altyn
- Júzý – 1 altyn
- Dzıýdo – 2 kúmis, 2 qola
- Nysana kózdeý – 2 kúmis, 1 qola
- Karate – 2 qola
- Taekvondo – 1 qola
Olımpıada oıyndarynyń júldesin kimder jeńip aldy?
Atlanta olımpıadasy
Altyn: Vasılıı Jırov (boks, 81 keli), Aleksandr Parygın (bessaıys), ıÝrıı Melnıchenko (grek-rım kúresi, 57 keli);
Kúmis: Bolat Jumadilov (boks, 51 keli), Anatolıı Hrapatyı (aýyr atletıka, 99 keli), Sergeı Belıaeev (nysana kózdeý, 2 dúrkin);
Qola: Bolat Nııazymbetov (boks, 63,5 keli), Ermahan Ibraıymov (boks, 71 keli), Máýlen Mamyrov (erkin kúres, 52 keli), Vladımır Vohmıanın (nysana kózdeý).
Sıdneı olımpıadasy
Altyn: Bekzat Sattarhanov (boks, 57 keli), Ermahan Ibraıymov (boks, 71 keli), Olga Shıshıgına (jeńil atletıka);
Kúmis: Bolat Jumadilov (boks, 51 keli), Muhtarhan Dildábekov (boks, +91 keli), Islam Baıramýkov (erkin kúres, 97 keli), Aleksandr Vınokýrov (velosport).
Afına olımpıadasy
Altyn: Baqtııar Artaev (boks, 69 keli);
Kúmis: Gennadıı Golovkın (boks, 75 keli), Georgıı Tsýrtsýmııa (grek-rım kúres, 120 keli), Gennadıı Lalıev (erkin kúres, 74 keli), Sergeı Fılımonov (aýyr atletıka, 77 keli);
Qola: Serik Eleýov (boks, 60 keli), Mkhıtar Manýkıan (grek-rım kúres, 66 keli), Dmıtrıı Karpov (jeńil atletıka).
Beıjiń olımpıadasy
Altyn: Baqyt Sársekbaev (boks, 69 keli), Ilıa Ilın (aýyr atletıka, 94 keli);
Kúmis: Asqat Jitkeev (dzıýdo, 100 keli), Taımýraz Tıgıev (erkin kúres, 96 keli), Irına Nekrasova (aýyr atletıka, 63 keli), Anna Vajenına (aýyr atletıka, 75 keli);
Qola: Erkebulan Shynalıev (boks, 81 keli), Nurbaqyt Teńizbaev (grek-rım kúresi, 60 keli), Áset Mámbetov (grek-rım kúresi, 96 keli), Arman Shylmanov (taekvondo, 80 keli), Marıd Mýtalımov (erkin kúres, 120 keli), Elena Shalygına (áıelder kúres, 63 keli), Marııa Grabavetskaıa (aýyr atletıka, +75 keli).
London olımpıadasy
Altyn: Serik Sápıev (boks, 69 keli), Ilıa Ilın (aýyr atletıka, 94 keli), Aleksandr Vınokýrov (velosport), Olga Rypakova (jeńil atletıka), Zúlfııa Chınshanlo (aýyr atletıka, 53 keli), Maııa Maneza (aýyr atletıka, 63 keli), Svetlana Podobedova (aýyr atletıka, 75 keli);
Kúmis: Ádilbek Nııazymbetov (boks, 81 keli);
Qola: Aqjúrek Tańatarov (erkin kúres, 66 keli), Ivan Dychko (boks, +91 keli), Marına Volnova (áıelder boksy, 75 keli), Gúzel Manıýrova (áıelder kúresi, 72 keli), Danııal Gadjıev (grek-rım kúresi, 84 keli).
Eskerte keteıik, Ilıa Ilın, Zúlfııa Chınshanlo, Maııa Maneza, Svetlana Podobedova keıin dopıngpen ustalyp Olımpıada medaldaryn HOK-ke qaıtaryp berdi.
Rıo-de-Janeıro olımpıadasy
Altyn: Danııar Eleýsinov (boks), Dmıtrıı Balandın (júzý), Nıjat Rahımov (aýyr atletıka)
Kúmis: Jazıra Japparqul (aýyr atletıka), Eldos Smetov (dzıýdo), Vasılıı Levıt, Ádilbek Nııazymbetov (boks), Gıýzal Manıýrova (áıelder kúresi)
Qola: Galbadrah Otgontsetseg (dzıýdo), Farhad Harkı, Aleksandr Zaıchıkov, Karına Gorıcheva (aýyr atletıka), Olga Rypakova (jeńil atletıka) Elmıra Syzdyqova, Ekaterına Larıonova (áıelder kúresi), Ivan Dychko, Darıǵa Shákimova (boks).
Eskertý: Nıjat Rahımov ta dopıng daýyna iligip Olımpıada medalinen aıyryldy.
Tokıo olımpıadasy
Ókinishke qaraı sońǵy kúnshyǵys elinde ótken Olımpıada oıyndarynda Qazaqstan qorjynyna altyn túgil kúmis te buıyrmady. Bul el tarıhyndaǵy eń sátsiz ótken Olımpıada oıyndary retinde este qaldy. Tokıoda otandastarymyz 8 qola medalǵa ıe boldy.
Olar – Eldos Smetov (dzıýdo), Igor Son jáne Zýlfııa Chınshanlo (aýyr atletıka), Qamshybek Qońqabaev pen Sáken Bıbosynov (boks), Nurıslam Sanaev (erkin kúres), Darhan Asadilov pen Sofıa Berýltseva (karate).
Endi aldaǵy Parıj Olımpıadasynda qansha júlde buıyrady, ony aldaǵy ýaqyt kórsete jatar.
