Qazaq sportshylary Kanvondaǵy Olımpıada qalashyǵynda qalaı turyp jatyr
KANVONDO. KAZINFORM - Týrızm jáne sport mınıstri Ermek Marjyqpaev pen Ulttyq olımpıada komıtetiniń basshylyǵy Kanvon provıntsııasynyń Kannyn qalasyndaǵy Olımpıada qalashyǵyna baryp, sportshylar jáne bapkerlermen kezdesti.
Atalǵan vedmostvonyń baspasóz qyzmetinen málim etkendeı, Ermek Marjyqpaev IV qysqy Jasóspirimder Olımpıadasyna qatysýǵa kelgen atletterimiz ornalasqan bólmelerdi aralap, jalpy jınalys ótkizgen.
«Bárińizdi osynda, jarys ótetin jerde kórgenime qýanyshtymyn. Qanshama qonaq pen sportshylardyń kelgenin ózderińiz kórip jatyrsyzdar. Barlyǵy 70-ten astam elden 1800-ge jýyq sportshy bar. Sizderge kúndelikti tynymsyz eńbektiń arqasynda osynda kelýdiń sáti tústi. Otbasylaryńyz, jankúıerler men búkil Qazaqstan sizderge kóz tigip, qoldaý kórsetip otyr. Aıtarym, tek qana alǵa!», - dedi Ermek Marjyqpaev.
Osydan keıin Olımpıadaǵa daıyndyq shtabynyń basshysy mınıstrge delegatsııanyń jumysy jaıynda baıandady.
Delegatsııa ókilderi qazirgi tańda Qazaqstannan keletin sportshylardyń ekinshi kezegin qalashyqqa ornalastyrý, jattyǵý kestesin úılestirý boıynsha jumys istep jatyr.
Jıynnan keıin Ermek Marjyqpaev delegatsııanyń jaýapty ókilderine komandaǵa barlyq jaǵdaıdy jasaýǵa atsalysýdy tapsyrdy.
Aıta keteıik, IV qysqy Jasóspirimder Olımpıadasynyń saltanatty ashylý rásimi erteń, 19 qańtarda Kannyn qalasyndaǵy konkımen júgirý sport kesheninde (Gangneung Oval) ótedi.
Posmotret etý pýblıkatsııý v Instagram
Al jabylý saltanatyn 1 aqpanda Gangneung Olympic Park sport kesheni qabyldaıdy.
Kanvon-2024 oıyndaryna álemniń 80-ge jýyq elinen kelgen 14 pen 17 jas aralyǵyndaǵy 1800 sportshy qatysady.
Munda 7 sport túriniń 15 baǵdarlamasy boıynsha 81 medal jıyntyǵy sarapqa salynady.
Qazaqstan namysyn 5 sport túrinen 41 atlet qorǵaıdy.
