Qazaq sport jýrnalıstıkasynda jańa footbol.kz elektrondyq basylymy jaryq kórdi
ALMATY. 25 qarasha. QazAqparat /Erbol Turymbetov/ - Qazaq sport jýrnalıstıkasy taǵy bir elektrondyq basylymmen tolyqty. Búgin Almatyda www.footbol.kz saıtynyń ashylýyna baılanysty baspasóz máslıhaty ótti.
Saıt qurastyrýshysy ári bas redaktory - Ermuhamed Máýlen. Atalmysh saıt qazaq sport jýrnalıstıkasynda ana tilimizde tuńǵysh bolyp oqyrmanǵa jol tartqan «Alaman» saıtynyń izin jalǵastyra ashylyp otyr.
«Aqparattyq tolqynnyń elektrondyq túri qaryshtap damyǵan zamanda mundaı saıttyń elimizdegi sany az sporttyq basylymdardyń qataryn tolyqtyra ashylýy quba-qup dep oılaımyn. El sportynyń, onyń ishinde, qazaq fýtbolynyń kúıin kúıtteıtin saıttyń tusaýyn keskeni barlyǵymyzdyń ortaq qýanyshymyz», dedi E. Máýlen.
Onyń aıtýynsha, jańa elektrondyq basylymda álem fýtbolynyń juldyzdary men dúldúlderi týraly tolyqqandy málimet berip otyrady. Sondaı-aq, deńgeıi joǵary eldiń ishki birinshilikteri jaıly arnaıy sarapshylardyń boljam buryshy jasalǵan.
