Qazaq sport akademııasy Olımpıadaǵa attanǵan óz stýdentterine sáttilik tiledi
Qazaq sport jáne týrızm akademııasynyń stýdentteri «Uly dala ulandary - Olımpıada qyrandary» dep urandatty.
«Qysqy Olımpıada oıyndarynda Qazaqstannyń namysyn 9 sport túrinen 46 sportshy qorǵaıtyn bolsa, olardyń 13-i -Akademııa stýdentteri. Atap aıtqanda, Anna Shevchenko men Ivan Lıýft (shańǵy), ıÝlııa Galysheva, Dmıtrıı Reıherd, Pavel Kolmakov (frıstaıl), Darıa Klımına, Ekaterına Belchenko, Vladıslav Vıtenko (bıatlon), Abzal Ájiǵalıev, Nurbergen Jumaǵalıev, Kım Iong A (short-trek), Sergeı Tkachenko (tramplınnen sekirý), Aıza Mambekova (mánerlep syrǵanaý)», - dedi baspasóz qyzmetinen.
Qazaqstandyq sportshylar Ońtústik Koreıaǵa lek-legimen kelip jatyr. Búgin keshke Almatydan frıstaıl-akrobatıka boıynsha komanda attanady.
Aıta ketý kerek, búgin Ońtústik Koreıanyń Phenchhan qalasynda Qazaqstannyń Memlekettik Týy kóterildi.
XXIII qysqy Olımpıada oıyndary qarsańynda ótken tý shyǵarý rásiminde sportshylardy QR Ulttyq Olımpıada komıtetiniń prezıdenti Tımýr Qulybaev bastap shyqty.
Dúbirli dodanyń bastalýyna eki kún qaldy. Qazir qazaqstandyq sportshylar Olımpıada qalashyǵynda sońǵy daıyndyqtaryn pysyqtaýda. Qazaqstan sportshylary Olımpıadaǵa 57 joldama jeńip alǵan bolatyn. Olar sporttyń 9 túrinen synǵa túsedi. Aq Olımpıadanyń resmı ashylý saltanaty 9 aqpanda, al jabylý rásimi 25 aqpanǵa josparlanǵan.
Foto: Danııar Maılybaev
