«Qazaq soqyrlar qoǵamynyń» múlkin jymqyrǵan 65 jastaǵy zeınetker ustaldy
ALMATY. QazAqparat - «Qazaq soqyrlar qoǵamy» uıymynyń dúnıe-múlkin jymqyrǵan 65 jastaǵy er adam ustaldy, dep habarlaıdy QazAqparat tilshisi.
Qalalyq polıtsııa departamentiniń málimetine sáıkes, buryn sottalǵan 65 jastaǵy A. esimdi azamat «Qazaq soqyrlar qoǵamy» qoǵamdyq birlestiginiń jyljymaıtyn múlkin, ıaǵnı Alataý aýdanynda ornalasqan jer ýchaskesin ıemdenip, ony bankke kepilge bergen.
Kepildik sharty boıynsha jer banktiń menshigine ótken.
Osylaısha qoǵamdyq birlestikke 370 mln teńge kóleminde materıaldyq zııan keldi.
«Kúdikti Nur-Sultan qalasynda ustalyp, PD ýaqytsha ustaý ızolıatoryna qamaldy», - deıdi Almaty qalalyq polıtsııa basqarmasy bastyǵynyń orynbasary Rýstam Ábdirahmanov.
