Qazaq sııaqty bıologııalyq, lıngvıstıkalyq jaǵynan birtutas halyq álemde óte az - antropolog Orazaq Smaǵulov

ALMATY. 2 tamyz. QazAqparat - Qazaq halqynyń 5 myń jyldyq tarıhyn arheologııalyq qazba jumystary arqyly dáleldeýimiz kerek. Bul týraly búgin Almatyda «Shejire DNA» DNQ-genealogııalyq ǵylymı ortalyǵynyń Ortalyq Azııalyq jańa jobasyn tanystyrý kezinde aıtyldy.

«Sheteldik derekterge ǵana arqa súıep qazaqtyń tarıhyn jazýǵa bolmaıdy. Ol osy jerde san ǵasyrlar boıy ómir súrip kele jatqan halyqtyń bıologııalyq, lıngvıstıkalyq jáne taǵy basqa da osyndaı biregeı ulttyq ereksheliginiń negizinde jazylýy tıis. Qazaq jerinde osydan 4 myń jyl buryn ómir súrgen adamdardyń bet-beınesi qazirgi tańda halyqtyń 30 paıyzynda saqtalyp qalǵan. Olardyń qan júıesi, tisi, bet-pishini tektik jaǵynan óte uqsas. Tipti 5 myń jyldyq 5-6 súıek tabylyp otyr, olar nashar saqtalǵan. Degenmen, osyndaı artefaktilerdi kóbeıtsek, qazaqtyń 5 myń jyldyq tarıhyn tolyq dáleldep shyǵýǵa bolady», - deıdi tarıh ǵylymdarynyń doktory, QR UǴA akademıgi Orazaq Smaǵulov.

Ǵalymnyń aıtýynsha, qytaılar óz ultyn dáriptep, «Qytaı órkenıetiniń 5 jyl jyldyq tarıhy bar. Ol birtutas jáne bólinbeıdi» dep jazyp qoıady. Qazaq sııaqty bıologııalyq, lıngvıstıkalyq jaǵynan birtutas halyq álemde óte az.