Qazaq serıalynyń bir bólimi 25 myń dollar, úndi serıalynyń bir serııasy 350 dollar turady - L.Tanysbaı
ASTANA. QazAqparat - Búgin "Nur Otan" partııasy Tóraǵasynyń birinshi orynbasaryAsqar Myrzahmetovtyń tóraǵylyǵymen partııa janyndaǵy BAQ ókilderimen qarym-qatynas jónindegi keńestiń alǵashqy otyrysy ótti. Qazaqstandaǵy telearna men basylymdardyń birinshi basshylary oılaryn aıtqan keńes barysynda "Astana" telearnasynyń bas dırektory Ləzzat Tanysbaı Qazaqstannyń teleserıaldary úndi serıaldarynan qaraǵanda jaqsy reıtıng jınaǵanyn məlim etti.
Sońǵy jyldary zorlyq-zombylyq pen qylmysty tek jekemenshik telearnalar nasıhattaıdy degen úrdis qalyptasty. Memlekettik telearnalardyń əıteýir baǵyt-baǵdary, bólinetin qarjysy bar. Al, jekemenshik telearnalar jarnamanyń esebinen kún kórýge məjbúr. Bizdi "úndi serıaldaryn nege kórsetesińder?" dep synaıtyndar kóp. Keshirińizder, telearnalardyń top menedjerleri osy úndi serıaldaryn qatty jaqsy kóredi deısizder me? Joq, úndi serıaldary bizge joǵary reıtıng beredi. Reıtıng jarnamaǵa jol ashady, al sol jarnamadan túsken qarajattan men qolastymdaǵy qyzmetkerlerge jalaqy tóleımin. Telearnalardyń top menedjerleri osy reıtıngtiń quly bolyp otyrmyz, ony moıyndaımyn", -deıdi L.Tanysbaı.
Degenmen, L.Tanysbaıdyń aıtýynsha, eger qazaq teleserıalyn túsirse, ol mindetti túrde reıtıng jınaı alady.
"Bıyl biz eki teleserıal túsirý týraly memlekettik tapsyrys aldyq. Eki serıal da arnamyzda eń joǵarǵy reıtıngke ıe boldy. Baıqaǵanymyz - kórermender otandyq serıaldy kórýge óte yntaly. Biraq, məsele munda - biz Qazaqstannyń teleserıalyn túsirý úshin bir serııasyna 20-25 myń dollar jumsaımyz. Al, sol baıaǵy úndi serıalynyń bir serııasyn biz 350 dollarǵa satyp alamyz. Baǵada aıyrmashylyq bar ma?" - dedi L.Tanysbaı.
Al, jalpy, jıyn barysynda belgili bolǵandaı, Aqparat jəne baılanys komıteti bıyl otandyq telearnalarǵa 15 teleserıal túsirý úshin memlekettik tapsyrys bergen eken.
"Ekinshiden, zań boıynsha bizdiń sala tańǵy saǵat 06.00-den keshki saǵat 22.00-ge deıin zorlyq-zombylyqty nasıhattaıtyn ónimderdi kórsetýge qaqymyz joq. Biz sııaqty telearnalar bul zańdy oryndaıdy. Biraq, oryndamaıtyn da telearnalar bar. Qazaq tilinde shyǵarylatyn ónimder 50%-dan tómen bolmaýy kerek. Bul zańdy da oryndamaı otyrǵan arnalar bar. Sondyqtan, memlekettik organ zańdy buzǵan arnalardy jazalamaıynsha, bul qubylys jalǵasa beredi", - dep túıindedi oıyn L.Tanysbaı.
