Qazaq saıttarynda traıbalızm kúsheıip keledi - Saýytbek Abdraxmanov

ASTANA. QazAqparat - QR Parlamenti Májilisiniń depýtaty Saýytbek Abdraxmanov qazaq tilindegi saıttarda rýlyq alaýyzdyqty týǵyzatyn máselelerge alańdaıdy, dep xabarlaıdy QazAqparat tilshisi.

"Ókinishke qaraı, qazirgi kezde saıası ekstremızm, ulttyq pen rýlyq alaýyzdyqty týǵyzatyn jaǵdaılar az emes. Máselen, qazaq tilindegi saıttardyń birqatarynda ulttyń birligine qaýip tóndiretin, jekelegen óńirlerge, jekelegen taıpalarǵa, jekelegen rýlarǵa til tıgizetin, kúlkige aınaldyratyn máseleler dendep bara jatyr. Osy máselege basa nazar aýdarǵym keledi. Bul jaqsylyqtyń basy emes", - dedi tanymal jýrnalıst Abdraxmanov búgin Óńirlik BAQ forýmynda.

Onyń aıtýynsha, búginde óńirlik buqaralyq aqparat quraldary ult pen xalyq birligi máselesine erekshe kóńil bólýi kerek.

Aıta keteıik , búgin Astanadaǵy "Qazmedıa" ortalyǵynda Óńirlik BAQ forýmy ashyldy.  Sol jerde mınıstr Dáýren Abaev Óńirlik BAQ alıansynyń nemen aınalysatynyn aıtyp berdi .