Qazaq romanstaryn oryndaýshylar arasynda halyqaralyq baıqaý ótti
ShYMKENT. QazAqparat - Shymkentte qazaq romanstaryn oryndaýshylar arasynda halyqaralyq baıqaý ótti. Bıylǵy jyly baıqaýǵa Ózbekstan, Qyrǵyzstan memleketteri men elimizdiń barlyq oblystarynan 50-ge jýyq úmitker qatysyp, óz ónerlerin kórsetti, dep habarlaıdy QazAqparat tilshisi.
Oblystyq mádenıet basqarmasy men óńirdiń «ıÝjnyı Kazahstan» qoǵamdyq-saıası gazeti jáne slavıan Ulttyq mádenıet ortalyǵynyń qoldaýymen ótken shara bıyl 20-synshy ret uıymdastyryldy. Búginde Ortalyq Azııa kólemindegi óner súıer jurtshylyqqa tanymal romansıada baıqaýy qazaq romanstary men qazaq akademııalyq vokaldyq mýzykasyn nasıhattaýǵa da keńinen jol ashty.
Baıqaýǵa Reseı Federatsııasynyń eńbek sińirgen ártisi, eńbek sińirgen óner qaıratkeri Galına Preobrajenskaıa men QR eńbek sińirgen ártisi, professor Abılov Shahımardan Qaıdaruly, halyqaralyq baıqaýlardyń laýreaty Bereke Enkebaeva men Ózbekstan Respýblıkasynyń halyq ártisi Avaz Radjabov sııaqty óner juldyzdary qazylyq etti. Sonymen qatar, qurmetti qonaq retinde «Romansıada» halyqaralyq baıqaýynyń kontsertmeısteri Oksana Petrıchenko, «Romansıada» halyqaralyq baıqaýynyń monǵolııalyq laýreaty Enhbat Tývshınjargal jáne «Qazaq romansıadasy-2016» halyqaralyq baıqaýynyń Gran-prı ıegeri, Máskeý qalasyndaǵy «Romansıada» halyqaralyq baıqaýynyń laýreaty Bekzod Davronov, halyqaralyq baıqaýlardyń laýreaty, «Romansıada-2013» halyqaralyq baıqaýynyń jeńimpazy Emıl Sakavovtar arnaıy shaqyryldy.
Baıqaý qorytyndysymen «Qazaq romansıadasy - 2017» XX baıqaýynyń bas júldesin Ońtústik Qazaqstan oblystyq opera jáne balet teatrynyń ənshisi Bekzat Sadykov jeńip aldy. Shymkenttikterdiń bul jeńisi romans oryndaýshylardyń halyqaralyq baıqaýy tarıhynda tuńǵysh ret boldy.
