Qazaq romansıadasyn oryndaýshylar Máskeýde óner kórsetti
ShYMKENT. QazAqparat - Máskeýdegi Kreml saraıynda ıÝNESKO atymen orys romansıadasynyń qurmetine oraı halyqaralyq kontsert bolyp ótti. Atalǵan sharada Qazaqstannyń atynan «Qazaq romansıadasy» baıqaýynyń 2004 jylǵy bas júldegeri, almatylyq Bereke Eńkebaeva án shyrqady, dep habarlaıdy QazAqparat tilshisi.
Aıta keteıik, qazaq ánshisi Shymkentte sońǵy 20 jyl qatarynan uıymdastyrylyp otyrǵan baıqaýdyń qazylar alqasy múshesi bolyp tabylady. Ol Reseı sahnasynda Hamıdıdiń «Bulbuly» men Alıabevtiń «Solovıa» ánderin oryndap shyqty.
«Bereke osy asa qıyn sanalatyn mýzykalyq týyndylardy oryndaı otyryp, zalda otyrǵan kórermenderdiń súıispenshiligine bólendi. Tipti máskeýlikter oǵan «Bravo» dep qol soqty, tamsandy», - deıdi kontserttegi áserimen bólisken «Qazaq romansıadasy» baıqaýy uıymdastyrý alqasynyń tóraıymy jáne «ıÝjnyı Kazahstan» gazetiniń bas redaktory Marına Lımarenko.
Halyqalaryq deńgeıde ótken kontsertte ózbekstandyq óner maıtalmandary da qatysty. Kórshi eldiń atynan «Qazaq romansıadasy-2008» baıqaýynyń bas júldegeri Ramız Ýsmanov pen baıqaýdyń 2017 jylǵy laýreaty Sultanbek Abdýrahımov án shyrqady.
Jalpy, «Qazaq romansıadasy» atty erekshe baıqaý jyl saıyn Shymkent qalasynda uıymdastyrylyp turady. Halyqaralyq deńgeıde ótetin sharaǵa elimiz ben Ortalyq Azııa memleketterinen kelgen jas talanttar qatysady. Ótken jyly atalǵan baıqaý 20 jyldyǵyn atap ótken bolatyn.
