Qazaq-reseı shekarasynda kontrabandalyq taýardyń joly kesildi
ASTANA. QazAqparat - Qazaq-Reseı shekarasynda kontrabandalyq is-qımyldyń eki deregi tirkeldi. Bul týraly QR Ulttyq qaýipsizdik komıteti Shekara qyzmetiniń baspasóz qyzmeti habarlady.
Atap aıtqanda, Oral shekara jasaǵyna qarasty «Syrym avto» ótkizý-baqylaý pýnktiniń baqylaýshylary «Man» avtokóligimen reseı jerine baǵyt ustaǵan qazaqstandyq úsh azamatty ustady. Olar mingen avtokólikti qaraý kezinde odan 40 tonna shoshqa eti tabyldy.
Júktiń ózi kóliktik qaǵazdar men veterınarlyq sertıfıkatqa sáıkes kelmeı shyqty.
Osy kúni «KamAZ» júk kóligimen reseıge jol tartyp bara jatqan 42 jastaǵy jerlesimiz de ustaldy, onyń kóligin qaraý kezinde qujatsyz ketip bara jatqan 15 tonna qara metall synyqtary tabyldy. Onyń aldyn ala baǵasyn eseptegende 2 000 000 teńgeni qurady.
