Qazaq-Reseı shekarasynda esirtki zatyn jasyryn ótkizbek bolǵan azamatsha ustaldy
ASTANA. QazAqparat - Elimizdiń batysyndaǵy Aqtóbe shekara otrıadyna qarasty «Álimbet avto» baqylaý-ótkizý beketiniń baqylaýshylary 20 mılılıtrlik suıyq opıýmdy jasyryp ótkizýge tyrysqan 37 jastaǵy áıeldi ustady.
«Aqtóbe-Orsk» baǵytynda kele jatqan avtobýsty shekaralyq baqylaýdan ótkizgen shekara narıady bir áıeldiń qol júginiń ishine salynǵan djınsı shalbarynyń qaltasynan 2 flakon «Tropıkamıd» dárisin tapty. Árbir flakonnyń salmaǵy 10 mıllılıtrden eken. Al onyń ishindegisi - suıyq opıým bolyp shyqty.
Atalǵan derek boıynsha ishki ister organdary habarlandyryldy. Tergeý amaldary júrgizilýde, dep habarlaıdy QR UQK ShQ baspasóz qyzmeti.
