Qazaq-reseı shekarasynda 50 tonna dızeldi otyn tárkilendi
ASTANA. QazAqparat - Qazaqstandyq shekarashylar qazaq-reseı shekarasynda 50 tonna dızeldi otyndy zańsyz shyǵarmaq bolǵandardyń jolyn kesti. Bul týraly QR UQK ShQ baspasóz qyzmetinen habarlady.
«Aıat» (avtomobıldik) ótkizý-baqylaý beketiniń (Qostanaı oblysy) baqylaýshylar shekaralyq baqylaý kezinde 2 «Ford Kargo» avtomashınasymen Qazaqstannan Reseıge 50 tonna dızeldi otyndy zańsyz jolmen shyǵarmaq bolǵan Reseı Federatsııasynyń 2 azamatyn ustady.
Qujattaryn qaraý kezinde atalǵan júktiń atyna zaty saı bolmaı shyqty - peshke jaǵatyn otyn retinde toltyrylǵan júkteri dızeldi janarmaı bolyp shyqty.
Ustalǵan júk Qostanaı oblysynyń qarjy polıtsııasyna berildi. Tekserý jumystary júrgizilýde.
