Qazaq radıosynyń ardageri Svetlana Mýsına dúnıeden ozdy
ASTANA. QazAqparat - Qazaq radıosynyń ardageri Svetlana Mýsına dúnıeden ótti. Bul týraly búgin «Qazaqstan» teleradıokorporatsııasynyń baspasóz qyzmeti habarlady.
Svetlana Esbolaıqyzy Mýsına 1943 jyly 22 qazanda Aqtóbe oblysy, Alǵa aýdanynda dúnıege kelgen.
Abaı atyndaǵy Qazaq pedagogıkalyq ınstıtýtynyń fılologııa fakýltetin támamdaǵan. Eńbek jolyn memlekettik «Qazaqstan» baspasynda redaktorlyqtan bastaǵan. Respýblıka Joǵarǵy keńesinde, Qazaq radıosynda kóp jyldar redaktor, aýdarmashy qyzmetin atqarǵan. Qazaq radıosynyń qalyptasyp, damýyna ólsheýsiz úles qosqan.
Ol 1978 jyldan KSRO jýrnalıster Odaǵynyń múshesi, sondaı-aq, «Musa áýleti», «Rodnyı ochag» ómirbaıandyq kitaptarynyń jáne «Ana armany», «Syr», «Saǵynysh», «Nostalgııa» atty áńgimeler jınaqtarynyń avtory. Uzaq jyldar boıǵy jemisti eńbegi úshin S.E.Mýsına úkimettik gramotalarmen jáne medaldarmen marapattalǵan. «Qazaqstan» RTRK AQ ujymy marqumnyń otbasy men týǵan-týystaryna qaıǵyryp, kóńil aıtady», - delingen habarlamada. .
