Qazaq radıosynyń 100 jyldyǵy qarsańynda baıqaý jarııalandy
NUR-SULTAN. QazAqparat – Qazaq radıosynyń ǵasyrlyq mereıtoıy 2021 jyly toılanady. 100 jyldyqqa oraı logotıpke baıqaý jarııalanyp otyr, dep habarlaıdy QazAqparat.
Atap aıtqanda, ǵasyrlyq tarıhy bar Qazaq radıosyn dáripteý ári taqyrypty ashý, qoldanystaǵy (bekitilgen) logotıpti negizge alý, túsi men shrıftter bekitilgen logotıpke sáıkes kelýi, avtorlyq quqyqtarǵa sáıkes bolýy sekildi talaptar qoıylyp otyr.
Baıqaýǵa qatysatyndar avtorlyq jobasyn JPEG formatta qysqasha mátinmen (túsindirmelik) qazradio100@gmail.com elektrondy poshtasyna joldaýy tıis. Baıqaýǵa 14.01.2020- 14.02.2020 jyl aralyǵynda jarııalanǵan jumystar qabyldanady.
«Túsken materıaldyń barlyǵy áleýmettik jelige jarııalaý quqyna kelisken dep esepteledi. Úzdik shyqqan logotıp ult únjarııasynyń 100 jyldyǵyna oraı uıymdastyrylatyn barlyq sharada qoldanylady», - delingen radıo málimetinde.
Aıta keteıik, jeńimpazǵa 100 000 teńge kóleminde syıaqy usynylady. Jeńimpaz anyqtalǵan soń, logotıp CorelDRAW formatta kórsetilgen elektrondy poshtaǵa jiberilýi qajet. Jeńimpaz 17 aqpan kúni anyqtalady.
Nusqany «Qazposhta» arqyly jiberseńizder, «Nur-Sultan qalasy, Qonaev kóshesi 4, Qazmedıa ortalyǵy, «Qazaq radıolary» JShS» meken-jaıyna joldaýǵa bolady.
